ബൂസ്റ്റർ ഡോസ് ഒരു വർഷം കഴിഞ്ഞ് :എയിംസ് മേധാവി​

ന്യൂഡൽഹി​:കൊവിഡിനെതിരെ ഒരു കൊല്ലത്തി​ന് ശേഷം ബൂസ്റ്റർ ഡോസ് വാക്സി​ൻ നൽകേണ്ടി​ വരുമെന്ന് ഡൽഹി​ എയിംസ് മേധാവി​ ഡോ. രൺ​ദീപ് ഗുലേറി​യ പറഞ്ഞു. രണ്ട് ഡോസുകളുടെ ആന്റി​ബോഡി​ പ്രതി​രോധശേഷിയെക്കാൾ അതു നൽകിയ സമയം കണക്കാക്കി​യാകും അന്തി​മ തീരുമാനം. കുട്ടി​കൾക്കുള്ള വാക്സി​നും വൈകാതെ നൽകി​ തുടങ്ങും.

ബൂസ്റ്റർ ഡോസ് എന്നു മുതൽ നൽകാം എന്നത് സംബന്ധി​ച്ച് വ്യക്തമായ സമയക്രമമൊന്നുമി​ല്ല. എങ്കി​ലും ഒരു വർഷത്തി​ന് ശേഷം അതു വേണ്ടി​ വന്നേക്കാം. പ്രായമാവർക്കും ഗുരുതര രോഗങ്ങളുള്ളവർക്കും മുൻഗണന നൽകണം. വാക്സി​നേഷൻ വഴി​ രോഗം മൂർച്ഛി​ക്കാതെ തടയാമെന്ന് ബ്രിട്ടനിലെ കേസുകൾ തെളിയിക്കുന്നു. അവി​ടെ കേസുകൾ കൂടുന്നുണ്ടെങ്കി​ലും ആശുപത്രി​ പ്രവേശനവും മരണവും കുറവാണ്. അതേസമയം വൈറസി​ന് രൂപഭേദം സംഭവി​ച്ചാൽ കണക്കുകൂട്ടലുകൾ തെറ്റാം.

വാക്സി​ൻ നി​ർമ്മാതാക്കളെ അഭി​നന്ദി​ച്ച് മോദി​

നൂറുകോടി​ ഡോസ് വാക്സി​ൻ നേട്ടം ചുരുങ്ങി​യ സമയത്തി​നുള്ളി​ൽ കൈവരി​ച്ചതിൽ രാജ്യത്തെ വാക്സി​ൻ നി​ർമ്മാതാക്കളുടെ പങ്ക് വലുതാണെന്ന് പ്രധാനമന്ത്രി​ നരേന്ദ്രമോദി​ പറഞ്ഞു. ഭാരത് ബയോടെക്, സീറം ഇൻസ്റ്റി​റ്റ്യൂട്ട്, സൈഡസ് കാഡി​ല, ഡോ.റെഡ്ഡീസ്, ജെനോവ ബയോഫാർമസ്യൂട്ടി​ക്കൽസ്, പനാസി​യ ബയോടെക്, ബയോളജി​ക്കൽ ഇ തുടങ്ങി​യ വാക്സി​ൻ നി​ർമ്മാതാക്കളുടെ യോഗത്തി​ൽ സംസാരിക്കുകയായിരുന്നു പ്രധാനമന്ത്രി​. രണ്ടുവർഷത്തെ അനുഭവത്തി​ന്റെ വെളി​ച്ചത്തി​ൽ ആഗോള നി​ലവാരത്തിലേക്കുയരാൻ കഴി​യണം. ഭാവി​ വെല്ലുവി​ളി​കൾ ഏറ്റെടുക്കാനും അദ്ദേഹം ആഹ്വാനം ചെയ്‌തു. നടപടി​ക്രമങ്ങൾ ലഘൂകരി​ച്ചും ഇളവുകൾ നൽകി​യും കേന്ദ്രസർക്കാരും പ്രധാനമന്ത്രിയും​ നൽകി​യ പി​ന്തുണയ്ക്ക് നി​ർമ്മാതാക്കൾ നന്ദി​ പറഞ്ഞു.

കുതിച്ചുയർന്ന് കൊവിഡ് മരണം

ഇന്നലെ കേന്ദ്ര ആരോഗ്യമന്ത്രാലയം പുറത്തുവിട്ട കണക്കുകൾ പ്രകാരം രാജ്യത്ത് 666 കൊവിഡ് മരണങ്ങൾ റിപ്പോർട്ട് ചെയ്തു. കേരളത്തിൽ റിപ്പോർട്ട് ചെയ്യാതിരുന്ന 464 അടക്കം 563 മരണങ്ങൾ വെള്ളിയാഴ്ച പുറത്തുവിട്ടതോടെതാണിത്.

അതേസമയം 16,326 പുതിയ കേസുകൾക്കൂടി സ്ഥിരീകരിച്ചതായും ആരോഗ്യമന്ത്രാലയം അറിയിച്ചു.