SignIn
Kerala Kaumudi Online
Sunday, 22 May 2022 1.23 PM IST

പമ്പയിൽ ബെയ്ലി പാലം: ഹർജി ഇന്നത്തേക്കു മാറ്റി

sabarimala

കൊച്ചി: പമ്പയിൽ ഞുണങ്ങാറിനു കുറുകെ ബെയ്ലി പാലം നിർമ്മിക്കണമെന്ന സംസ്ഥാന സർക്കാരിന്റെ ശുപാർശ കരസേനാ ആസ്ഥാനത്തേക്ക് കൈമാറിയെന്ന് കേന്ദ്ര സർക്കാരിനു വേണ്ടി ഹാജരായ അസി. സോളിസിറ്റർ ജനറൽ ഇന്നലെ ഹൈക്കോടതിയിൽ അറിയിച്ചു. ജസ്റ്റിസ് അനിൽ കെ. നരേന്ദ്രൻ, ജസ്റ്റിസ് പി.ജി. അജിത് കുമാർ എന്നിവരുൾപ്പെട്ട ഡിവിഷൻ ബെഞ്ച് ഇതിലുള്ള മറുപടി അറിയുന്നതിനായി ഹർജി ഇന്ന് പരിഗണിക്കാൻ മാറ്റി. സ്വീവേജ് പ്ളാന്റിലേക്കുള്ള രാസവസ്തുക്കളും മറ്റും കൊണ്ടുപോകുന്നതിനായി ഞുണങ്ങാറിനു കുറുകെ നിർമ്മിച്ചിരുന്ന തടയണ ശക്തമായ മഴയിൽ ഒലിച്ചു പോയതിനെത്തുടർന്നാണ് ബെയ്ലി പാലം അടിയന്തരമായി നിർമ്മിക്കണമെന്ന ആവശ്യം ഉയർന്നത്. ഇക്കാര്യം വ്യക്തമാക്കി ശബരിമല സ്പെഷ്യൽ കമ്മിഷണർ ഹൈക്കോടതിക്ക് റിപ്പോർട്ട് നൽകിയ സാഹചര്യത്തിലാണ് ദേവസ്വം ബെഞ്ച് വിഷയം പരിഗണിക്കുന്നത്. മണ്ഡല മകരവിളക്ക് സീസൺ തുടങ്ങുന്നതോടെ മാലിന്യ സംസ്കരണം അവതാളത്തിലാകുന്നത് ഒഴിവാക്കാൻ ബെയ്ലി പാലം അടിയന്തരമായി നിർമ്മിക്കണമെന്നാണ് സ്പെഷ്യൽ കമ്മിഷണറുടെ റിപ്പോർട്ടിൽ പറയുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SABARIMALA
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.