ആലപ്പുഴ: രാജ്ഭവനിലേക്ക് കുടുംബസമേതം എത്തണമെന്ന ഗവർണർ ആരിഫ് മുഹമ്മദ്ഖാന്റെ ക്ഷണം സ്വീകരിക്കുന്നതായി എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു. ശ്രീനാരായണ പ്രസ്ഥാനങ്ങളുടെ തലപ്പത്ത് വെള്ളാപ്പള്ളി നടേശൻ 25 വർഷം പൂർത്തിയാക്കിയതിന്റെ ആഘോഷങ്ങൾ ഉദ്ഘാടനം ചെയ്യുന്നതിനിടെയായിരുന്നു ഗവർണറുടെ ക്ഷണം.
യഥാർത്ഥത്തിൽ എന്നെയല്ല ക്ഷണിച്ചിരിക്കുന്നത്, എസ്.എൻ.ഡി.പി യോഗത്തെയാണ്. ഗവർണറുടെ സമയമനുസരിച്ച് തീയതി നിശ്ചയിക്കും. ഒട്ടും വൈകാതെ പോകണമെന്നാണ് ആഗ്രഹമെന്നും വെള്ളാപ്പള്ളി നടേശൻ അറിയിച്ചു.
വെള്ളാപ്പള്ളിക്ക് ആശംസ അറിയിച്ച് രാജീവ് ചന്ദ്രശേഖർ
ന്യൂഡൽഹി: എസ്.എൻ.ഡി.പി യോഗം ജനറൽ സെക്രട്ടറിയായും എസ്.എൻ ട്രസ്റ്റ് സെക്രട്ടറിയായും 25 വർഷം പൂർത്തിയാക്കിയ വെള്ളാപ്പള്ളി നടേശന് ആശംസ അറിയിച്ച് കേന്ദ്ര സഹമന്ത്രി രാജീവ് ചന്ദ്രശേഖർ. കേരളത്തിന്റെ സാമൂഹ്യ-വിദ്യാഭ്യാസ രംഗത്തെ പുരോഗതിക്ക് നിർണായക പങ്കുവഹിച്ച രണ്ടു സംഘടനകളുടെ അമരത്ത് ദീർഘനാൾ തുടരാൻ പ്രതിഭാ ശാലികൾക്ക് മാത്രമെ കഴിയൂ. സംഘടനകളെ വെള്ളാപ്പള്ളി ഉയരങ്ങളിലെത്തിച്ചു. പാർലമെന്റ് സമ്മേളന തിരക്കുകൾ കാരണമാണ് രജതജൂബലി ആഘോഷങ്ങളിൽ പങ്കെടുക്കാൻ കഴിയാതിരുന്നതെന്നും വെള്ളാപ്പള്ളിക്ക് അയച്ച കത്തിൽ അദ്ദേഹം അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |