അഞ്ചാം സെമസ്റ്റർ ബി.പി.എ (ഡാൻസ്) പരീക്ഷയുടെ പ്രാക്ടിക്കൽ 27 മുതൽ സ്വാതിതിരുനാൾ സംഗീത കോളേജിൽ നടത്തും.
മണക്കാട് നാഷണൽ കോളേജിൽ 17, 18 തീയതികളിൽ നടത്താനിരുന്ന അഞ്ചാം സെമസ്റ്റർ കരിയർ റിലേറ്റഡ് സി.ബി.സി.എസ്. ബി.എസ്.ഡബ്ല്യൂ പ്രോഗ്രാമിന്റെ പ്രാക്ടിക്കൽ പരീക്ഷ ഫെബ്രുവരി 3, 5 തീയതികളിൽ നടത്തും.
അഞ്ചാം സെമസ്റ്റർ കരിയർ റിലേറ്റഡ് സി.ബി.സി.എസ്.എസ് ബി.എസ്സി ഇലക്ട്രോണിക്സ് ഡിഗ്രി കോഴ്സിന്റെ പ്രായോഗിക പരീക്ഷ 27, 28, 31, ഫെബ്രുവരി 1,2 തീയതികളിൽ നടത്തും.
പരീക്ഷാഫലം
ഒന്നാം സെമസ്റ്റർ എം.എഡ് (2018 സ്കീം - റഗുലർ ആൻഡ് സപ്ലിമെന്ററി) ഡിഗ്രി പരീക്ഷകളുടെ ഫലം വെബ്സൈറ്റിൽ. സൂക്ഷ്മപരിശോധനയ്ക്ക് 31വരെ അപേക്ഷിക്കാം.
എട്ടാം സെമസ്റ്റർ ബി കോം. ഹിയറിംഗ് ഇംപയേർഡ് (2013 സ്കീം) പരീക്ഷാഫലം വെബ്സൈറ്റിൽ. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 31 വരെ അപേക്ഷിക്കാം.
എട്ടാം സെമസ്റ്റർ ഇന്റഗ്രേറ്റഡ് പഞ്ചവത്സര ബി.എ എൽ എൽ.ബി./ബി.കോം എൽ എൽ.ബി./ബി.ബി.എ എൽഎൽ.ബി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഫെബ്രുവരി ഒന്നു വരെ അപേക്ഷിക്കാം.
പരീക്ഷ മാറ്റി
വെളളിയമ്പലവന മുനിവർ മെമ്മോറിയൽ പ്രൈസ്, തിരുവള്ളുവർ മെമ്മോറിയൽ പ്രൈസ്, എച്ച്.എച്ച്.മഹാരാജ ഓഫ് ട്രാവൻകൂർ പ്രൈസ് എന്നിവയുടെ പരീക്ഷ മാറ്റിവച്ചു.
പരീക്ഷാരജിസ്ട്രേഷൻ
മൂന്നാം സെമസ്റ്റർ എം.ബി.എ റഗുലർ 2020 സ്കീം - ഫുൾടൈം (യു.ഐ.എം.ഉൾപ്പെടെ/ട്രാവൽ ആൻഡ് ടൂറിസം), സപ്ലിമെന്ററി (2014 സ്കീം - 2017 അഡ്മിഷൻ, 2018 സ്കീം - 2018, 2019 അഡ്മിഷൻ) - ഫുൾടൈം (യു.ഐ.എം.ഉൾപ്പെടെ)/ട്രാവൽ ആൻഡ് ടൂറിസം/റഗുലർ (ഈവനിംഗ്)/ഈവനിംഗ് (റഗുലർ) പരീക്ഷകളുടെ രജിസ്ട്രേഷൻ ആരംഭിച്ചു.
ഡിഗ്രി, പി.ജി കോഴ്സുകൾക്ക് അപേക്ഷിക്കാം
തിരുവനന്തപുരം: കേന്ദ്ര നൈപുണ്യ വികസന മന്ത്രാലയത്തിന്റെ കീഴിൽ സ്കിൽ ഇന്ത്യ പദ്ധതിയിൽ പ്ലസ് ടു വിജയകരമായി പൂർത്തിയാക്കിയ വിദ്യാർത്ഥികൾക്ക് ഡിഗ്രി, പി.ജി കോഴ്സുകൾക്ക് അപേക്ഷിക്കാം. സി.ആർ.എം, റീട്ടെയിൽ, സർവീസ് എന്നീ മേഖലകളിലേക്കാണ് അപേക്ഷിക്കേണ്ടത്. തിരഞ്ഞെടുക്കപ്പെടുന്നവക്ക് നിലവിലുള്ള യോഗ്യത അനുസരിച്ച് തൊഴിലവസരങ്ങളും നൽകും. അപേക്ഷകൾ സ്വീകരിക്കുന്ന അവസാന തീയതി 31. ഫോൺ: 6282408398, 8089707791.
പി.ജി മെഡിക്കൽ പ്രവേശനം:
ഓപ്ഷൻ രജിസ്ട്രേഷൻ 23വരെ നീട്ടി
തിരുവനന്തപുരം: പി.ജി.മെഡിക്കൽ കോഴ്സുകളിലേക്കുള്ള പ്രവേശനത്തിന് ഓപ്ഷൻ രജിസ്ട്രേഷൻ നടത്താനുള്ള തീയതി 23ന് വൈകിട്ട് 5വരെ നീട്ടി. വിവരങ്ങൾ www.cee.kerala.gov.in വെബ്സൈറ്റിൽ.
പി.ജി ആയുർവേദം,
ഹോമിയോ പ്രവേശനം ഉടൻ
തിരുവനന്തപുരം: പി.ജി ആയുർവേദം, ഹോമിയോ കോഴ്സുകളിൽ പ്രവേശന നടപടി ഉടൻ തുടങ്ങും. സംവരണ ആനുകൂല്യങ്ങൾക്ക് അർഹതയുള്ളവർ സർട്ടിഫിക്കറ്റുകൾ മുൻകൂർ വാങ്ങണമെന്ന് എൻട്രൻസ് കമ്മിഷണർ അറിയിച്ചു. വിവരങ്ങൾ വെബ്സൈറ്റിൽ.
ഹിന്ദി അദ്ധ്യാപക കോഴ്സ് സീറ്റൊഴിവ്
തിരുവനന്തപുരം: കേരള ഗവ. ഡിപ്ലോമ ഇൻ എലിമെന്ററി എഡ്യൂക്കേഷൻ അദ്ധ്യാപക കോഴ്സിൽ ഒഴിവുള്ള സീറ്റിലേക്ക് അപേക്ഷ ക്ഷണിച്ചു. 50 ശതമാനം മാർക്കോടെ രണ്ടാം ഭാഷ ഹിന്ദിയോടു കൂടിയ പ്ലസ് ടു ഉള്ളവർക്ക് ഈ മാസം 28 വരെ അപേക്ഷിക്കാം. ഹിന്ദി ബി.എ, എം.എ എന്നിവയും പരിഗണിക്കും. പ്രായപരിധി 17 വയസിനും 35 ഇടയ്ക്കായിരിക്കണം. ഉയർന്ന പ്രായപരിധിയിൽ പട്ടികജാതി,പട്ടിക വർഗക്കാർക്ക് അഞ്ച് വർഷവും മറ്റു പിന്നോക്കക്കാർക്ക് മൂന്ന് വർഷവും ഇളവ് അനുവദിക്കും. ഇ - ഗ്രാന്റ് വഴി പട്ടികജാതി, മറ്റ് അർഹരായ വിഭാഗത്തിനും ഫീസ് സൗജന്യമായിരിക്കും. ഫോൺ: 04734296496, 8547126028.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |