കോട്ടയം. റെയില് പാത ഇരട്ടിപ്പിക്കലുമായി ബന്ധപ്പെട്ട അവസാനഘട്ട ജോലികളുടെ ഭാഗമായി കോട്ടയം-എറണാകുളം റൂട്ടില് ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തി. 29 വരെ നിയന്ത്രണമുണ്ടാകും. കോട്ടയം-കൊല്ലം ജംഗ്ഷന് പാസഞ്ചർ (06431) ശനിയാഴ്ച മുതല് ഈമാസം 29 വരെ പൂര്ണമായും റദ്ദാക്കും. മറ്റ് ട്രെയിനുകൾ ഭാഗികമായും ചിലത് ആലപ്പുഴ വഴി തിരിച്ചുവിടുമെന്നും റെയിൽവേ അറിയിച്ചു.
ഭാഗികമായി റദ്ദാക്കുന്നത് ഇവയാണ്. നാഗര്കോവില് ജംഗ്ഷനില് നിന്ന് പുറപ്പെടുന്ന നാഗര്കോവില് - കോട്ടയം പാസഞ്ചർ (16366) വ്യാഴാഴ്ച മുതല് 29 വരെ കൊല്ലത്തിനും കോട്ടയത്തിനുമിടയില് സർവീസ് നടത്തില്ല. കൊല്ലത്ത് യാത്ര അവസാനിപ്പിക്കും. കോട്ടയം- നിലമ്പൂര് പാസഞ്ചർ (16326) വെള്ളിയാഴ്ച മുതല് 29 വരെ കോട്ടയത്തിന് പകരം എറണാകുളം ടൗണില് നിന്ന് സര്വീസ് ആരംഭിക്കും. കോട്ടയത്തിനും എറണാകുളത്തിനും ഇടയില് ഭാഗികമായി റദ്ദാക്കും. കോട്ടയം-നിലമ്പൂര് പാസഞ്ചർ (16326) വെള്ളിയാഴ്ച മുതല് 29 വരെ കോട്ടയത്തിനു പകരം എറണാകുളം ടൗണില് നിന്നാവും സര്വീസ് ആരംഭിക്കുക. കോട്ടയത്തിനും എറണാകുളത്തിനും ഇടയില് ഇത് ഭാഗികമായി റദ്ദാക്കും. നിലമ്പൂര്-കോട്ടയം പാസഞ്ചർ (ട്രെയിന് നമ്പര് 16325) വെള്ളിയാഴ്ച മുതല് 29 വരെ നിലമ്പൂരിൽനിന്ന് പുറപ്പെട്ട് എറണാകുളത്ത് യാത്ര അവസാനിപ്പിക്കും. എറണാകുളം ടൗണിനും കോട്ടയത്തിനും ഇടയില് റദ്ദാക്കും.
ആലപ്പുഴ വഴി വഴിതിരിച്ചുവിടുന്ന ട്രെയിനുകള്.
ബുധനാഴ്ചയും ശനിയാഴ്ചയും കോര്ബയില് നിന്ന് പുറപ്പെടുന്ന (17230) കോര്ബ-കൊച്ചുവേളി എക്സ്പ്രസ്. സെക്കന്തരാബാദില് നിന്ന് വ്യാഴം, ശനി, ഞായർ ദിവസങ്ങളിൽ പുറപ്പെടുന്ന (17230) സെക്കന്തരാബാദ്- തിരുവനന്തപുരം ശബരി എക്സ്പ്രസ്. മംഗലാപുരത്ത് നിന്ന് വെള്ളി, ഞായർ, തിങ്കൾ ദിവസങ്ങളിൽ പുറപ്പെടുന്ന മംഗലാപുരം സെന്ട്രല് -നാഗര്കോവില് ജംഗ്ഷന് പരശുറാം എക്സ്പ്രസ് (16649) . തിരുവനന്തപുരത്ത് നിന്ന് 6, 8, 9 തീയതികളില് പുറപ്പെടുന്ന തിരുവനന്തപുരം സെന്ട്രല് - ന്യൂഡല്ഹി കേരള എക്സ്പ്രസ് (12625) ). കന്യാകുമാരിയില് നിന്ന് 6, 8, 9 തീയതികളില് പുറപ്പെടുന്ന കന്യാകുമാരി-പൂനെ ജംഗ്ഷന് എക്സ്പ്രസ് (16382). വെള്ളിയാഴ്ച കൊച്ചുവേളിയില് നിന്ന് പുറപ്പെടുന്ന കൊച്ചുവേളി-യശ്വന്ത്പൂര് ( 22678) പ്രതിവാര എസി സൂപ്പര്ഫാസ്റ്റ്. കൊച്ചുവേളിയില് നിന്ന് ഞായറാഴ്ച പുറപ്പെടുന്ന കൊച്ചുവേളി -ലോകമാന്യതിലക് ഗരീബ് രഥ് എക്സ്പ്രസ് (12202).
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |