ജമ്മു കാശ്‌മീർ ഇന്ത്യയുടെ ആഭ്യന്തരകാര്യം, ​ വർഗീയ അജണ്ടയുമായി ഒഐസി മുന്നോട്ടു പോകുന്നത് പാകിസ്ഥാന്റെ പ്രേരണയിലെന്ന് വിദേശകാര്യ മന്ത്രാലയം

ന്യൂഡൽഹി ; ജമ്മു കാശ്മീരിലെ മണ്ഡല പുനർനിർണയത്തെക്കുറിച്ചുള്ള ഇസ്ലാമിക രാഷ്ട്രങ്ങളുടെ സംഘടനയായ ഓർഗനൈസേഷൻ ഓഫ് ഇസ്ലാമിക് കോഓപ്പറേഷന്റെ (ഒ.ഐ.സി) പ്രസ്താവനയ്‌ക്കെതിരെ ആഞ്ഞടിച്ച് ഇന്ത്യ. ജമ്മു കാശ്‌മീർ ഇന്ത്യയുടെ ആഭ്യന്തര കാര്യമാണെന്നും ഒ.ഐ.സിയുടേത് അനാവശ്യ പ്രസ്താവനയാണെന്നും ഇന്ത്യൻ വിദേശകാര്യമന്ത്രാലയം പ്രതികരിച്ചു.

വർഗീയ അജണ്ടയുമായി പാകിസ്ഥാൻ മുന്നോട്ട് പോകുന്നത് അവസാനിപ്പിക്കണമെന്നും ഇന്ത്യ ആവശ്യപ്പെട്ടു. ജമ്മു കാശ്‌മീരിലെ മണ്ഡല പുനർനിർണയം യു.എൻ ചട്ടങ്ങളുടെ ലംഘനമാണെന്നായിരുന്നു ഒ.ഐ.സിയുടെ ആരോപണം. ഇന്ത്യയുടെ ആഭ്യന്തരകാര്യത്തിൽ ഒ.ഐ.സി സെക്രട്ടേറിയറ്റ് അനാവശ്യപ്രസ്താനയുമായി വീണ്ടും രംഗത്തെത്തിയിരിക്കുകയാണെന്നും വിദേശകാര്യ മന്ത്രാലയം വക്താവ് പറഞ്ഞു