SignIn
Kerala Kaumudi Online
Friday, 01 July 2022 3.09 AM IST

ആനവണ്ടിയിൽ ശമ്പളത്തിന് സർക്കാരിന്റെ 25 കോടി കൂടി

v

തിരുവനന്തപുരം: ഏപ്രിലിലെ ശമ്പളം നൽകാൻ കെ.എസ്.ആർ.ടി.സിക്ക് സർക്കാർ 25 കോടി രൂപ കൂടി നൽകും. ഇന്ന് മന്ത്രി കെ.എൻ ബാലഗോപാൽ ഫയലിൽ ഒപ്പിടും. അഞ്ച് കോടി കൂടി നൽകുന്നതും പരിഗണനയിലുണ്ട്. ശമ്പളം മുടങ്ങിയതിൽ മുഖ്യമന്ത്രി പിണറായി വിജയൻ ഇടപെട്ടതോടെയാണ് നടപടികൾ വേഗത്തിലാകുന്നത്.

സർക്കാർ തുക അനുവദിച്ചാലും ഇന്ന് ശമ്പളം നൽകുമോ എന്നതിൽ മാനേജ്മെന്റ് ഉറപ്പൊന്നും പറയുന്നില്ല. തുക കെ.എസ്.ആർ.ടി.സിയുടെ അക്കൗണ്ടിലെത്താൻ നടപടിക്രമങ്ങളുണ്ട്. നിലവിൽ സർക്കാർ നൽകിയ 30 കോടിയും വരുമാനത്തിൽ നിന്ന് മിച്ചം പിടിച്ച 15 കോടിയും കെ.എസ്.ആർ.ടി.സിയുടെ കൈവശമുണ്ട്. രണ്ടും ചേർത്ത് ശമ്പളവിതരണം തുടങ്ങാനാണ് തീരുമാനം. സർക്കാരിന്റെ അധിക സഹായം ലഭിക്കുന്നമുറയ്ക്ക് പൂർണ ശമ്പളം നൽകും. പൊതുപണിമുടക്ക് ദിവസങ്ങളിലെ ഡയസ്‌നോൺ ബാധകമായതിനാൽ ഇത്തവണ ശമ്പളം നൽകാൻ 72 കോടി മതിയാകും. അലവൻസുകൾ ഉൾപ്പെടെയുള്ള പൂർണ ശമ്പളത്തിന് 95.5 കോടി വേണം.

കെ.എസ്.ആർ.ടി.സിയിലെ പ്രശ്നങ്ങൾ പരിഹരിക്കുമെന്നും ഉടൻ ശമ്പളം നൽകുമെന്നും മന്ത്രി ആന്റണി രാജു പറഞ്ഞു. തൊഴിലാളി സംഘടനകൾ പ്രതിഷേധം ശക്തമാക്കുകയാണ്. കെ.എസ്.ആർ.ടി.സി ആസ്ഥാനത്ത് സി.ഐ.ടി.യു വെള്ളിയാഴ്ച മുതൽ സമരം തുടങ്ങും. വിദേശത്തുള്ള സി.എം.ഡി ബിജുപ്രഭാകർ ഇന്ന് എത്തും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KSRTC
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.