മഴയിങ്ങെത്തിക്കഴിഞ്ഞു, ഫാഷനിലും മാറ്റം വരുത്തേണ്ട സമയമായിരിക്കുകയാണ്. സ്ഥിരം പരീക്ഷിക്കുന്ന വസ്ത്രങ്ങൾ മഴക്കാലത്ത് ഉപയോഗിച്ചാൽ നല്ല പണികിട്ടും.എന്നാൽ മഴനനയുമെന്ന് പേടിച്ച് ഫാഷൻ ഉപേക്ഷിക്കാനും പറ്റില്ല. അത്തരക്കാർക്ക് മഴക്കാലത്ത് പരീക്ഷിക്കാവുന്ന ചില ഫാഷൻ ഐഡിയകൾ എന്തൊക്കെയാണെന്ന് നോക്കാം.
ഏറ്റവും കംഫർട്ടബിളായ വസ്ത്രങ്ങളാണ് മഴക്കാലത്ത് തിരഞ്ഞെടുക്കേണ്ടത്. യാത്ര ചെയ്യാനും എളുപ്പത്തിൽ ഉണങ്ങാനും ഏറ്റവും അനുയോജ്യമായവ ആയിരിക്കണം മഴക്കാല വസ്ത്രങ്ങൾ. ഇരുണ്ട നിറങ്ങളാണ് മഴക്കാലത്ത് അനുയോജ്യം. എളുപ്പത്തിൽ ഉണക്കിയെടുക്കാൻ സഹായിക്കുന്ന മെറ്റീരിയലുകളുടെ വസ്ത്രം നോക്കിയെടുക്കണം. ഇറുകിയ വസ്ത്രങ്ങൾക്ക് പകരം അയഞ്ഞത് ഉപയോഗിക്കാം.
മഴക്കാലത്ത് ഡെനിം ഉപയോഗിക്കുന്നത് നല്ല ഓപ്ഷനല്ല. അതിനാൽ തന്നെ ജീൻസ്, ഷോർട്സ് , ജാക്കറ്റ് പോലുള്ള ഡെനിം വസ്ത്രങ്ങൾ മൺസൂൺ കാലത്ത് ഉപേക്ഷിക്കുന്നതാണ് നല്ലത്. ഉണങ്ങാനുള്ള കാലതാമസവും ഈർപ്പം നിലനിൽക്കുന്നതും പനിപോലുള്ള രോഗങ്ങൾക്കും ചർമരോഗങ്ങൾക്കും കാരണമാകും.
ഡെനിമിന് പകരം കോട്ടൻ, ലിനൻ, ഖാദി, സിന്തറ്റിക് മെറ്റീരിയലുകൾ തിരഞ്ഞെടുക്കാം. ക്രോപ്പ് ടോപ്പ്, സ്ട്രെയിറ്റ് പാന്റ്സ്, ആംഗിൾ കോട്ടൻ ലെഗിംഗ്, കോട്ടൻ ഷോട്സ്, മിനി സ്കർട്ട്, കാപ്രി, തുടങ്ങിയവ മഴക്കാലത്ത് അണിയാം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |