ന്യൂഡൽഹി: സ്വകാര്യ ബാങ്കായ സൗത്ത് ഇന്ത്യൻ ബാങ്ക് എം.സി.എൽ.ആർ അടിസ്ഥാനമാക്കിയുള്ള വിവിധ കാലയളവിലുള്ള വായ്പകളുടെ നിരക്ക് 0.20 ശതമാനം ഉയർത്തി. ഇന്നുമുതൽ പുതുക്കിയ നിരക്കുകൾ പ്രാബല്യത്തിൽ വരും.
ഒരു വർഷത്തേക്കുള്ള എം.സി.എൽ.ആർ (മാർജിനൽ കോസ്റ്റ് ഒഫ് ഫണ്ട്സ് ബേസ്ഡ് ലെൻഡിംഗ് റേറ്റ്) 8.15 ശതമാനത്തിൽ നിന്ന് 8.35 ശതമാനമായാണ് ഉയർത്തിയത്. മൂന്നുമാസത്തെ എം.സി.എൽ.ആർ തുല്യനിരക്കിൽ ഉയർത്തിയിട്ടുണ്ട്. ഇത് 7.95 ശതമാനമാണ്.
ഓവർനൈറ്റ്, ഒരുമാസം, ആറ് മാസം എന്നീ കാലയളവിലെ എം.സി.എൽ.ആർ 0.15 ശതമാനമാണ് ഉയർത്തിയത്. ഇത് 7.80 ശതമാനം, 8.05 ശതമാനം എന്നീ നിരക്കിലാണ്. മിക്ക ബാങ്കുകളും ആർബിഐ റിപ്പോ നിരക്ക് 0.50 ശതമാനം ഉയർത്തിയതിനു പിന്നാലെ വായ്പാ നിരക്കുകൾ ഉയർത്തിയിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |