SignIn
Kerala Kaumudi Online
Friday, 02 December 2022 12.45 AM IST

പോപ്പുലർ ഫ്രണ്ട് കണ്ണൂർ ജില്ലാ പ്രസിഡന്റ് അടക്കം അറസ്റ്റിൽ, ഹർത്താലിൽ പ്രവർത്തകരോട് അഴിഞ്ഞാടാൻ നി‌‌ർദേശിച്ചതായി പൊലീസ്

popular-front-kannur

കണ്ണൂർ: പോപ്പുലർ ഫ്രണ്ട് കണ്ണൂർ ജില്ലാ പ്രസിഡന്റിനെയും നേതാക്കളെയും അറസ്റ്റ് ചെയ്ത് പൊലീസ്. ഇവർ ഹർത്താൽ ദിനത്തിൽ ബോധപൂർവ്വം ആക്രമണത്തിന് ആഹ്വാനം നൽകിയെന്ന് തെളിഞ്ഞതിനെ തുടർന്നാണ് സൗത്ത് ജില്ലാ പ്രസിഡന്റ് നൗഫൽ സി പി, കക്കാട് ഡിവിഷൻ സെക്രട്ടറി അഫ്സൽ, അഴീക്കോട് ഡിവിഷൻ ഭാരവാഹി സുനീർ എന്നിവരെ അറസ്റ്റ് ചെയ്ത്. അതേ സമയം ഹർത്താൽ അക്രമണത്തിന് ശേഷം പൊലീസ് നടപടി ഭയന്ന് ജില്ലാ ഭാരവാഹികൾ ഉൾപ്പെടെ നിരവധി പി എഫ് ഐ പ്രവർത്തകർ ഒളിവിലാണ്.

പോപ്പുലർ ഫ്രണ്ട് ഹർത്താൽ ദിനത്തിൽ ഏറ്റവും കൂടുതൽ അനിഷ്ട സംഭവങ്ങൾ റിപ്പോർട്ട് ചെയ്ത് കണ്ണൂർ ജില്ലയിൽ നിന്നായിരുന്നു. പെട്രോൾ ബോംബേറ് അടക്കമുള്ള അക്രമ സംഭവത്തിന് പിന്നിൽ നേ‌തൃതലത്തിൽ നിന്നുള്ള കൃത്യമായ നിർദേശമുണ്ടായിരുന്നതായി പൊലീസ് കണ്ടെത്തി. ഇതിനെ തുടർന്നാണ് ജില്ലാ നേതാക്കളുടെ അറസ്റ്റിലേയ്ക്കടക്കമുള്ള കർശന നടപടിയിലേയ്ക്ക് പൊലീസ് കടന്നത്.

അതേ സമയം വയനാട്ടിലെയും പാലക്കാട്ടിലെയും ആലപ്പുഴയിലെയും പോപ്പുലർ ഫ്രണ്ട് പ്രവർത്തകരുടെ വീടുകളിലും സ്ഥാപനങ്ങളിലും പാർട്ടി ഓഫീസുകളിലും കേരള പൊലീസ് ഇന്ന് പരിശോധന നടത്തി. വയനാട് നടന്ന പരിശോധനയ്ക്കിടയിൽ മാനന്തവാടിയിലെ പോപ്പുലർ ഫ്രണ്ട് നേതാവ് സലീമിന്റെ കടയിൽ നിന്ന് നാല് വടിവാളുകൾ പൊലീസ് കണ്ടെടുത്തു. ഇയാളെ ഉടൻ അറസ്റ്റ് ചെയ്യുമെന്ന് പൊലീസ് അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: PFI, KANNUR
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.