വിഴിഞ്ഞം:ഗൂഢാലോചനയെന്ന വാർത്ത ഗൗരവതരമെന്ന് ജയരാജൻ

തിരുവനന്തപുരം: വിഴിഞ്ഞം തുറമുഖ പദ്ധതി അട്ടിമറിക്കാനുള്ള സമരനീക്കത്തിന് പിന്നിൽ ഗൂഢാലോചനയുണ്ടായി എന്ന വാർത്ത ഗൗരവപൂർണമാണെന്ന് എൽ.ഡി.എഫ് കൺവീനർ ഇ.പി ജയരാജൻ. കേരളത്തിന്റെ വികസനത്തിന് സഹായകമാകുന്ന പദ്ധതി പ്രാവർത്തികമാക്കുക എന്നത് അത്യന്താപേക്ഷിതമാണ്. കൂടുതൽ തൊഴിൽ നൽകുന്നതിനും മത്സ്യ വ്യാപാരത്തിനും കയറ്റുമതിക്കുമുൾപ്പെടെ ഏറെ സഹായകമായ പദ്ധതിയാണിത്. കൊച്ചി തുറമുഖം കേരള വികസനത്തിന് നൽകിയ സംഭാവന ഏറെ വലുതാണെന്നും. തുറമുഖത്തിന്റെ നിർമ്മാണ പ്രവർത്തനം ഏറെ മുന്നോട്ടുപോയ ശേഷം അത് നിറുത്തലാക്കണമെന്ന മുദ്രാവാക്യമുയരുന്നത് ഏറെ സംശയമുയർത്തുന്നതാണെന്നും. ഇതിന്റെ പിന്നിലുള്ള എല്ലാ ഇടപെടലുകളെക്കുറിച്ചും സമഗ്രമായ അന്വേഷണം നടത്തി നിജസ്ഥിതി പുറത്തുകൊണ്ടുവരണമെന്നും ഇ.പി ജയരാജൻ പറഞ്ഞു.