കിടപ്പുമുറിയിൽ ഒരിക്കലും ഇവ വയ്ക്കരുത്,​ സ്ഥാനം മാറിയാൽ വൻദോഷം,​ യഥാർത്ഥ സ്ഥാനത്തെക്കുറിച്ച് വാസ്തുവിൽ പറയുന്നത്

വീടുകളിൽ ഇന്ന് ഒഴിച്ചുകൂടാനാവാത്ത ഒന്നായി ടെലിവിഷൻ മാറിക്കഴിഞ്ഞു. ടെലിവിഷൻ ഇല്ലാത്ത വീടുകൾ നന്നേ ചുരുക്കമാണെന്ന് തന്നെ പറയാം. വീടുകളിൽ വാസ്തു നോക്കുമ്പോൾ ഓരോന്നിനും സ്ഥാനം കല്പിച്ചിട്ടുണ്ട്. ടിവി സ്ഥാപിക്കുന്നതിനും വാസ്തുവിനകത്ത് സ്ഥാനം പറഞ്ഞിട്ടുണ്ട്. അത് എന്തൊക്കെയെന്ന് നോക്കാം

വാസ്തു തത്വമനുസരിച്ച് ഫർണിച്ചറുകൾ ഒരിക്കലും തെക്ക് അല്ലെങ്കിൽ പടിഞ്ഞാറ് ദിശയിൽ സ്ഥാപിക്കരുത്. ശാന്തവും സമാധാനപരവുമായ അന്തരീക്ഷം സൃഷ്ടിക്കുന്നതിനൊപ്പം വീട്ടിൽ ഐശ്വര്യം കൊണ്ടുവരാനും ഇത് സഹായിക്കുന്നു. ടെലിവിഷൻ മുറിയുടെ തെക്കുകിഴക്കേ മൂലയിൽ സ്ഥാപിക്കുന്നതാണ് ഉത്തമം. ടെലിവിഷൻ നിങ്ങളുടെ വീടിന്റെ തെക്ക് പടിഞ്ഞാറ് അല്ലെങ്കിൽ വടക്ക് കിഴക്ക് ഭാഗത്തേക്ക് ഒരിക്കലും ഇൻസ്റ്റാൾ ചെയ്യരുത്. ഇത് പലതരം പ്രശ്നങ്ങൾക്കിടയാക്കാൻ സാദ്ധ്യതയുണ്ട്.

അതുപോലെ തന്നെ വാസ്തുവിദ്യപ്രകാരം കിടപ്പുമുറിയിൽ ടെലിവിഷൻ സ്ഥാപിക്കുന്നത് നല്ലതല്ല. എന്നാൽ അത്യാവശ്യമെങ്കിൽ മുറിയുടെ തെക്ക് കിഴക്ക് മൂലയിൽ സ്ഥാപിക്കാവുന്നതാണ്.

സ്വീകരണമുറിയിൽ ടിവി സ്ഥാപിക്കുമ്പോൾ അത് ചുമരിന്റെ മദ്ധ്യത്തിലാണെന്ന് ഉറപ്പാക്കുക,​ വാസ്തു നിർദ്ദേശിക്കുന്ന സ്ഥാനത്ത് ടെലിവിഷൻ സ്ഥാപിക്കുന്നത് സ്ഥിരമായ ഊർജം നിലനിറുത്താൻ സഹായിക്കും, കൂടാതെ വീട്ടുകാരുടെ സന്തോഷം ഉറപ്പാക്കുകയും ചെയ്യും.

ഇത് കൂടാതെ ടെലിവിഷൻ എപ്പോഴും വൃത്തിയായി സൂക്ഷിച്ചിട്ടുണ്ടെന്നും സ്ക്രീനിൽ പൊടി അടിഞ്ഞുകൂടുന്നില്ലെന്നും ഉറപ്പാക്കുക. ടിവി കാണുമ്പോൾ ശബ്ദം വളരെ ഉച്ചത്തിലല്ലെന്നും ഉറപ്പാക്കണം. കാരണം അത് വീട്ടിൽ പ്രകോപനപരമായ മാനസികാവസ്ഥ സൃഷ്ടിക്കാൻ കാരണമായേക്കാം.