മമ്മൂട്ടിയെ നായകനാക്കി ബി.ഉണ്ണിക്കൃഷ്ണൻ സംവിധാനം ചെയ്യുന്ന ക്രിസ്റ്റഫർ ഫെബ്രുവരി 9ന് റിലീസ് ചെയ്യും. സ്നേഹ, അമല പോൾ, ഐശ്വര്യ ലക്ഷ്മി എന്നിവരാണ് നായികമാർ. തെന്നിന്ത്യൻ താരം വിനയ് റായ് ആണ് പ്രതിനായകൻ .ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരോടൊപ്പം നിരവധി പുതുമുഖങ്ങളും വേഷമിടുന്നു.രചന ഉദയകൃഷ്ണ. ഛായാഗ്രഹണം ഫൈസ് സിദ്ദിഖ് . നിർമ്മാണം ആർ.ഡി ഇല്യൂമിനേഷൻസ്.
സ്ഫടികം 9ന്
മോഹൻലാൽ- ഭദ്രൻ കൂട്ടുകെട്ടിൽ പിറന്ന സ് ഫടികം എന്ന ചിത്രത്തിന്റെ റീ മാസ്റ്റർ പതിപ്പ് ഫെബ്രുവരി 9ന് തിയേറ്ററുകളിൽ എത്തും. ഒരുകോടി രൂപ ചെലവഴിച്ചാണ് 4 കെ ദൃശ്യമികവോടെയും ഡോൾബി അറ്റ് മോസ് ശബ്ദവിന്യാസത്തോടെയുമാണ് എത്തുന്നത്. മോഹൻലാലിന്റെ അഭിനയജീവിതത്തിലെ മികച്ച കഥാപാത്രങ്ങളിലൊന്നായ ആടുതോമയെ വീണ്ടും വരവേൽക്കാനുള്ള ഒരുക്കത്തിലാണ് ആരാധകർ. ചെന്നൈയിൽ പ്രിയദർശന്റെ ഉടമസ്ഥതയിലെ ഫോർ ഫ്രെയിംസ് സ്റ്റുഡിയോയിലാണ് റീമാസ്റ്ററിംഗ് പൂർത്തിയായത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |