SHOOT @ SIGHT | Latest News Photos | Kerala

HOME / GALLERY / SHOOT @ SIGHT

തൊടുപുഴയിൽ ആരംഭിച്ച സെൻട്രൽ സ്കൂൾ കലോൽസവം സർഗ്ഗദ്വനി 2025 ഉദ്ഘാടനത്തിന് എത്തി സിനിമാ നടൻ കലാഭവൻ ഷാജോൺ കുട്ടികളുമായി സംവദിക്കുന്നു. ഫോട്ടോ: ബാബു സൂര്യ

സ്നേഹമാണ്......തൊടുപുഴയിൽ ആരംഭിച്ച സെൻട്രൽ സ്കൂൾ കലോൽസവം സർഗ്ഗദ്വനി 2025 ഉദ്ഘാടന വേദിയിൽ സ്നേഹം പങ്കിടുന്ന സഹപാഠികൾ. ഫോട്ടോ ബാബു സൂര്യ

ഇരയായ മരം... കോട്ടയം കോടിമത എം.എൽ റോഡിന് സമീപം അജൈവ മാലിന്യ ശേഖരണ യൂണിറ്റിന് സമീപത്ത് നിന്നിരുന്ന മരം ഉണങ്ങിപ്പോയപ്പോൾ.

കളറല്ല ജീവിതം... ആശ്രാമം മൈതാനിയിൽ നടക്കുന്ന വണ്ടർ ഫാൾസിന് മുന്നിൽ കളിപ്പാട്ടങ്ങൾ വിൽക്കുന്ന അന്യസ്ഥാന പെൺകുട്ടി ക്ഷീണം മൂലം ഉറങ്ങിപ്പോയപ്പോൾ.

മന്ത്രി വി.എൻ വാസവന്റെ ഏറ്റുമാനൂരിലെ ഓഫീസിലേക്ക് ബി.ജെ.പി നടത്തിയ പ്രതിഷേധ മാർച്ച് പൊലീസ് ബാരിക്കേഡ് വച്ച് തടഞ്ഞപ്പോൾ രോഗിയായ വയോധികമായി എത്തിയ ഓട്ടോറിക്ഷ സുരക്ഷിതമായി കടത്തിവിടുന്ന പ്രവർത്തകർ

സന്ധ്യക്കെന്തിന് സിന്ദൂരം...ഇന്നലെ സൂര്യാസ്തമായ വേളയിൽ ദൃശ്യമായ മഴവില്ല്.കോട്ടയം കെ.എസ്.ആർ.ടി.സി സ്റ്റാൻഡിന് മുന്നിൽ നിന്നുള്ള ദൃശ്യം.

"കളിയല്ല... അപകടം..." റോഡിലെ നിയമങ്ങളും പഠിച്ചുവളരേണ്ട കുട്ടികൾ കുറച്ചു സമയത്തെ തമാശക്കായി അത് ലംഘിച്ചാൽ വലിയ അപകടങ്ങൾക്ക് ഇരയാകേണ്ടിവരും. ഒരാൾ സഞ്ചരിക്കേണ്ട സൈക്കളിൽ മൂവരുമായി തിരക്കേറിയ റോഡിലൂടെ കടന്നു പോകുന്ന വിദ്യാർത്ഥികൾ. പേട്ട ജംഗ്ഷനിൽ നിന്നുള്ള കാഴ്ച്ച.

ഇതല്ല ഇതിനപ്പുറം... ശബരിമല സ്വർണപ്പാളി വിവാദത്തിൽ ബി.ജെ.പി പത്തനംതിട്ട മിനി സിവിൽസ്റ്റേഷനിലേക്ക് നടത്തിയ മാർച്ച് തടയാൻ ബാരിക്കേ‌‌ഡുകൾ സ്ഥാപിച്ചതോടെ സിവിൽസ്റ്റേഷനിൽ നിന്ന് പുറത്തിറങ്ങാൻ മതിൽചാടിക്കടക്കുന്ന പൊലീസുകാരൻ.

രണ്ടാംകൃഷിയിറക്കിയ കുട്ടനാടൻ പാടങ്ങൾ കതിരിട്ടിരിക്കുകയാണ്. കൈനകരി പുത്തൻതുരം പാടശേഖരത്തിൽ വിളഞ്ഞ നെൽക്കതിരുകൾ കൊത്തിയെടുത്ത് പറക്കുന്ന തത്ത.

മഴ മാറിയതോടെ അസ്തമയ സൂര്യന്റെ നിറച്ചാർത്തിൽ ആഹ്ളാദിക്കുന്ന അച്ഛനും മകനും. ആലപ്പുഴ ബീച്ചിൽ നിന്നുള്ള ദൃശ്യം.

ഭരണസിരാകേന്ദ്രത്തിന്റെ ഒരു കിലോമീറ്റർ ചുറ്റളവിലുള്ള പ്രധാന പാതയായ ബേക്കറി ജംഗ്ഷൻ- വഴുതക്കാട് റോഡിലെ തെരുവ് വിളക്കുകൾ വെളിച്ചം പകരാതായിട്ട് കാലങ്ങളേറെയായി. റിസർവ് ബാങ്കടക്കമുള്ള പ്രധാന ഓഫീസുകളും മറ്റ് സ്ഥാപനങ്ങളുമുള്ള റോഡിൽ സാധാരണക്കാരുടെ ആശ്രയമായ അത്യാധുനിക ബസ് സ്റ്റോപ്പും ഇരുട്ടിലായതായി കാണാം.

വാട്ടർ സെൽഫി... ബി.ജെ.പി കണയന്നൂർ താലൂക്കിലേക്ക് നടത്തിയ മാർച്ച് അക്രമാസക്തമായപ്പോൾ പൊലീസ് ജലപീരങ്കി പ്രയോഗിക്കുന്നത് സെൽഫിയിൽ പകർത്തുന്ന വഴിയാത്രകാരൻ.

വെയിലേറ്റ് വാടാതിരിക്കാൻ ... ഇരുചക്ര വാഹനത്തിൽ യാത്രക്കിടെ വെയിലിന്റെ ചൂട്മൂലം കുട്ടിയെ തിരിച്ച് ഇരുതി ദേഹത്ത് ഷാൾ കൊണ്ട് സംരക്ഷണം നൽകി യാത്ര ചെയ്യുന്ന കുടുംബം പാലക്കാട് കളക്ട്രേറ്റ് പരിസരത്ത് നിന്നുള്ള ദൃശ്യം.

ഏറെ നാളായി തകർന്ന മേൽക്കൂരയ്ക്ക് കീഴിൽ വെയിലും മഴയുമേറ്റാണ് നഗരത്തിലെ പ്രധാനം വിനോദ സഞ്ചാര കേന്ദ്രമായ ശംഖുംമുഖത്ത് യാത്രക്കാർ ബസ് കാത്ത് നിൽക്കുന്നത്. യാത്രക്കാർക്ക് ഇരിക്കാനുള്ള സൗകര്യം ഇല്ലാത്ത ഇവിടെ പ്രായമായ യാത്രക്കാരും ഭിന്നശേഷിക്കാരും തറയിലാണ് ബസ് കാത്തിരിക്കുന്നത്. തെരുവ് നായ ശല്യവും ഇവിടെ സ്ഥിരം കാഴ്ചയാണ്.

പുറംകടലിൽ വലവിരിച്ചുള്ള മത്സ്യബന്ധനത്തിന് ഉപയോഗിക്കുന്നതിനായുള്ള പ്ലാസ്റ്റിക് കുപ്പികൾ ശംഘുമുഖം, വലിയതുറ തുടങ്ങിയ തീരങ്ങളിൽ നിന്ന് ശേഖരിച്ച് വലയിൽ മത്സ്യത്തൊഴിലാളികൾ സൂക്ഷിച്ചിരിക്കുന്നു. വലിയതുറ തീരത്ത് നിന്നുള്ള കാഴ്ച

സ്‌മൈൽ പ്ലീസ്... തിരുവനന്തപുരം സെൻട്രൽ സ്റ്റേഡിയത്തിൽ സംസ്ഥാന സർക്കാർ ഒരുക്കിയ 'ലാൽ സലാം ' പരിപാടിയിൽ പങ്കെടുക്കാനെത്തിയ ദാദാ സാഹിബ്‌ ഫാൽക്കെ പുരസ്‌കാര ജേതാവ് മോഹൻലാലുമായി സെൽഫി എടുക്കവേ ചിരിക്കാൻ അഭ്യർത്ഥിക്കുന്നു ജില്ലാ കളക്ടർ അനുകുമാരി

സൂര്യൻ വിടവാങ്ങുമ്പോൾ മാനത്ത് വർണ്ണം വിതറി മനോഹരമായപ്പോൾ. പള്ളത്തുരുത്തിയിൽ നിന്നുള്ള അസ്തമയ ദൃശ്യം.

പാലക്കാട് കൊടുമ്പ് സുബ്രഹ്മണ്യസ്വാമി ക്ഷേത്രകുളത്തിൽ പായലുകൾ നിറഞ്ഞ് കൂടിയതിനാൽ ക്ഷേത്രസമിതിയുടെ നേതൃത്വത്തിൽ പായലുകൾ ചങ്ങാടം ഉപയോഗിച്ച് കുളത്തിൽ നിന്ന് നിക്കം ചെയ്യുന്ന തൊഴിലാളി.

കണ്ണാടി കാണും പോലെ.. മഴ തുടങ്ങിയതോടെ റോഡിൽ പലയിടത്തും വെള്ളം കെട്ടിനിൽക്കുക പതിവാണ്. കോഴിക്കോട് തൊണ്ടയാട് നിന്നുള്ള കാഴ്ച..

നന്നാവില്ല.... പത്തനംതിട്ട നഗരസഭ ബസ് സ്റ്റാൻഡിലെ ബോട്ടിൽ ബൂത്തിൽ സ്നഗിയും, മത്സ്യ, മാംസ മാലിന്യങ്ങളും മറ്റും കൊണ്ടിടുന്നതുമൂലം ബൂത്തിന്റെ വായ്ഭാഗം ഹരിത കർമ്മ സേന കെട്ടിവച്ചിരിക്കുന്നു ഇതിന്റെ ഇടയിലൂടെയാണ് ഇപ്പോൾ കുപ്പികൾ ഉള്ളിലേക്കിടുന്നത്.

TRENDING THIS WEEK

കുട്ടനാടിന്റെ ഗ്രാമഭംഗിയും ചെറുവള്ളങ്ങളിലെ യാത്രയും ആസ്വദിക്കാനായി നിരവധി സഞ്ചാരികളാണ് ദിവസവും ആലപ്പുഴയിലേക്ക് എത്തുന്നത്. കൈനകരിയിൽ ഗ്രാമീണ ഭംഗി ആസ്വദിച്ച് നടന്നുനീങ്ങുന്ന വിദേശ വിനോദസഞ്ചാരികൾ.

കിക്ക്‌... കോട്ടയം ഇൻഡോർ സ്റ്റേഡിയത്തിൽ നടന്ന സംസ്ഥാന സബ് ജൂനിയർ തായ്കൊണ്ട ചാമ്പ്യൻഷിപ്പിൽ 27 കിലോ താഴെ വിഭാഗത്തിൽ കണ്ണൂരിന്റെ സൂര്യദേവിനെതിരെ കാസർകോടിന്റെ നന്ദഗോപൻ പോയിന്റ് നേടുന്നു.

ആലപ്പുഴ എസ്. ഡി കോളേജിലെ കെ.സി.എ ക്രിക്കറ്റ് ഗ്രൗണ്ടിൽ നടന്ന ജില്ലാ പോലീസ് എറണാകുളം റെയിഞ്ച് ഇൻറർ ഡിസ്ട്രിക്ട് ക്രിക്കറ്റ് ചാമ്പ്യൻഷിപ്പിൽ (ഡി.ഐ.ജിസ് കപ്പ്) എറണാകുളം സിറ്റിയും എറണാകുളം റൂറലും തമ്മിൽ നടന്ന മത്സരത്തിൽ നിന്നുള്ള ദൃശ്യം

കേരള സെക്രട്ടേറിയറ്റ് എംപ്ലോയീസ് അസോസിയേഷന്റെ അൻപത്തിരണ്ടാം വാർഷിക സമ്മേളനത്തോടനുബന്ധിച്ച് സമ്മേളന നഗരിയായ എ.കെ.ജി സെന്ററിലേക്ക് ജീവനക്കാർ നടത്തിയ മാർച്ചിന് കടന്ന് പോകുവാൻ പൊലീസ് ഗതാഗതം നിയന്ത്രിച്ചതിനെ തുടർന്ന് വിജനമായ സെക്രട്ടേറിയറ്റിന് മുന്നിലെ പ്രധാന റോഡായ എം.ജി റോഡ്.ഏറെ നേരം ഈ സ്‌ഥിതി തുടർന്നു.മാർച്ചിൽ പങ്കെടുത്ത പ്രവർത്തകർ കൊടി തോരണങ്ങൾ പിടിച്ച് കടന്ന് പോകുന്നതും ചിത്രത്തിൽ കാണാം

കോട്ടയം മെഡിക്കൽ കോളേജിൽ കെട്ടിടം തകർന്ന് വീണ് മരിച്ച തലയോലപ്പറമ്പ് സ്വദേശി ബിന്ദുവിൻ്റെ മകൻ നവനീത് ജോലിയിൽ പ്രവേശിക്കാൻ തിരുവിതാംകൂർ ദേവസ്വം ബോർഡ് കോട്ടയം ഡിവിഷൻ ഓഫീസിലെത്തിയപ്പോൾ

പേരാമ്പ്ര സംഘർഷത്തിൽ പരിക്കേറ്റ് ആശുപത്രിയിൽ കഴിയുന്ന ഷാഫി പറമ്പിൽ എം.പിയെ പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി, പി.എം.എ ഷമീർ, അഡ്വ. കെ പ്രവീൺകുമാർ തുടങ്ങിയവർ സന്ദർശിച്ചപ്പോൾ

പ്രതിപക്ഷ നേതാവ് വി.ഡി. സതീശൻ ബേബി മെമ്മോറിയൽ ഹോസ്‌പിറ്റലിൽ ഷാഫി പറമ്പിൽ എം.പിയെ സന്ദർശിച്ചപ്പോൾ.

© Copyright Keralakaumudi Online