ഹെവൻലി ഹാൻഡ്‌സ്  പദ്ധതി ഉദ്ഘാടനം

കോട്ടയം : നിർദ്ധനരായ 500 വിദ്യാർത്ഥികൾക്ക് 'ഹെവൻലി ഹാൻഡ്‌സ് ' പദ്ധതിയുമായി മാർ ഗ്രീഗോറിയോസ് ഓർത്തഡോക്‌സ് ക്രൈസ്തവ വിദ്യാർത്ഥി പ്രസ്ഥാനം. എം.ജി.ഒ.സി.എസ്.എമ്മിന്റെ ആഭിമുഖ്യത്തിലുള്ള പഠനോപകരണവിതരണ പദ്ധതിയുടെ ഉദ്ഘാടനം ദേവലോകം കാതോലിക്കേറ്റ് അരമനയിൽ നടന്ന ചടങ്ങിൽ വിദ്യാർത്ഥിപ്രസ്ഥാനം പ്രസിഡന്റ് ഡോ. ഏബ്രഹാം മാർ സെറാഫിം മെത്രാപ്പോലീത്ത നിർവഹിച്ചു.
ദേവലോകം അരമന മാനേജർ ഫാ. യാക്കോബ് റമ്പാൻ, വിദ്യാർത്ഥിപ്രസ്ഥാനം ജനറൽ സെക്രട്ടറി ഫാ.ഡോ.വിവേക് വർഗീസ്, ഫാ. ജോബു ജേക്കബ് ജോൺ, കോളേജ് സ്റ്റുഡന്റ്‌സ് പ്രതിനിധി അലക്‌സ് പി.ഷിജു എന്നിവർ പ്രസംഗിച്ചു.