എഴുകോൺ : കോളന്നൂർ എം.എൽ.എ. റോഡിൽ പൈപ്പ് പൊട്ടി കുടിവെള്ളം പാഴാകുന്നു.
കോൺക്രീറ്റ് റോഡിന് കുറുകെ സ്ഥാപിച്ച കുഴലാണ് പൊട്ടിയത്. ജി.ഐ പൈപ്പ് പി.വി.സി കുഴലുമായി ബന്ധിപ്പിച്ച ഭാഗമാണ് തകരാറിലായത്. പൈപ്പ് റോഡിന് മുകളിൽ വരും വിധം ഈ ഭാഗത്ത് കോൺക്രീറ്റ് തകർന്നിരുന്നു. വാഹനങ്ങൾ കയറി ഇറങ്ങിയാണ് കുഴൽ തകർന്നത്. ദിവസങ്ങളായി ഈ നിലയാണ്. ഇവിടെ നിന്നുള്ള വെള്ളം ദേശീയ പാതയിലേക്കാണ് ഒഴുകിയെത്തുന്നത്.
സമീപത്ത് തന്നെ ഉപയോഗശൂന്യമായ ടാപ്പും കാണാം. ടാപ്പൊടിഞ്ഞ ഭാഗത്ത് മരക്കുറ്റി കയറ്റി വെച്ച നിലയിലാണ്. അതും വലിയ തോതിൽ ജല നഷ്ടത്തിന് കാരണമാകുന്നു. പഞ്ചായത്തിലെ പല സ്ഥലത്തും ഇത്തരം ഉപയോഗശൂന്യമായ ടാപ്പുകൾ കാണാം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |