കരുനാഗപ്പള്ളി: കേരള യുക്തിവാദി സംഘം ജില്ലാ കമ്മിറ്റിയുടെ ആഭിമുഖ്യത്തിൽ 19ന് കരുനാഗപ്പള്ളി ടൗൺ ക്ലബ്ബിൽ വിവിധ വിഷയങ്ങൾ അടിസ്ഥാനമാക്കി ലോറി ഫെസ്റ്റ് 2023 എന്ന പേരിൽ സെമിനാർ സംഘടിപ്പിക്കുന്നു. രാവിലെ 9.30ന് ആരംഭിക്കുന്ന സെമിനാറിൽ അജേഷ് മാധവൻ - ചന്ദ്രനിലൊരുവീട്, മനുപ്രസാദ് - പരിണാമം ഒരു തുടർക്കഥ, സൈബോർഗ് (നിർമിത ബുദ്ധിയുടെ ഭാവി -സാബുതോമസ്,
ലിംഗനീതിയും നിയമവും - അഡ്വ.കെ.ഡി. ഉഷ, താലിബാൻ ഇസ്ലാം തന്നെ - ആരിഫ് ഹുസൈൻ തെരുവോത്ത്, ഇന്ത്യയുടെ ഫാസിസവത്കരണം - പി.സി.ഉണ്ണിച്ചെക്കൻ എന്നിവർ വിഷയാവതരണം നടത്തും.തുടർന്ന് സ്ത്രീ സ്വാതന്ത്ര്യം മതത്തിലും സമൂഹത്തിലും എന്ന വിഷയം അടിസ്ഥാനമാക്കി നടക്കുന്ന സെമിനാറിൽ ആരിഫ് ഹുസൈൻ തെരുവോത്ത്, അഡ്വ.കെ.ഡി. ഉഷ, ഷൈല കെ.ജോൺ എന്നിവർ പങ്കെടുക്കും. അഡ്വ.രാജഗോപാൽ വാകത്താനം മോഡറേറ്റർ ആകും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |