കടുവ പുലിയെ പിടിക്കുന്നത് കണ്ടിട്ടുണ്ടോ? നടുക്കുന്ന ദൃശ്യങ്ങൾ

കാട് എപ്പോഴും അതിശയങ്ങളുടെ ലോകമാണ്. തൊട്ടടുത്ത നിമിഷം എന്താണ് സംഭവിക്കുക എന്ന് പ്രവചനാതീതവും. അത്തരത്തിലൊരു വീഡിയോ സമൂഹമാദ്ധ്യങ്ങളിൽ നിറയുകയാണ്. ഒരു കടുവ പുലിയെ പിടിക്കാൻ ശ്രമിക്കുന്നതും, പുലിയുടെ പ്രതിരോധവുമാണ് വീഡിയോയിലുള്ളത്. ഐഎഫ്എസ് ഉദ്യോഗസ്ഥനായ സുശാന്ത നന്ദയാണ് വീഡിയോ ഷെയർ ചെയ‌്തത്. ബിഹേവിയർ 'അൺനാച്ച്യുറൽ' എന്നാണ് അദ്ദേഹം ദൃശ്യത്തിന് പേരിട്ടിരിക്കുന്നത്.

This face off between the tiger & leopard is bit unnatural.
What do you think as to why both backed up without attacking each other. Peaceful coexistence? pic.twitter.com/O7yTkkFYil

— Susanta Nanda (@susantananda3) February 22, 2023

മരത്തിന് മുകളിൽ നിലയുറപ്പിച്ച പുലിയെ വളരെ സൂക്ഷ്‌മമായി നിരീക്ഷിക്കുന്ന കടുവയെയാണ് ആദ്യം കാണാൻ കഴിയുക. പെട്ടെന്ന് പുലി താഴേക്ക് ചാടുന്നതും, ശരവേഗത്തിൽ കടുവ പിന്നാലെ പായുന്നതും തുടർന്ന് കാണാം. എന്നാൽ സമാധാനപരമായ പ്രതിരോധമാണ് പുലി തീർക്കുന്നത്. അതല്ലായെങ്കിൽ പിടിത്തം കഴുത്തിൽ തന്നെ വീഴുമെന്ന് അതിനറിയാം. പുലിയെ കുറച്ചൊന്ന് ചുറ്റിക്കറക്കിയ ശേഷം കടുവ നടന്നു പോകുന്നു.