' വൺ തിങ്ക് , വൺ കിക്ക് ' ഫുട്‌ബാൾ

തൃശൂർ: സേ നോ ടു ഡ്രഗ്‌സ് എന്ന സന്ദേശവുമായി ജെ.സി.ഐ ട്രിച്ചൂർ പൂരം സിറ്റിയുടെ ആഭിമുഖ്യത്തിൽ തൃശൂർ പ്രസ് ക്ലബ്ബുമായി സഹകരിച്ച് നടക്കുന്ന 'വൺ തിങ്ക് വൺ കിക്ക് ' ഫുട്ബാൾ മത്സരം ഇന്ന് നടക്കും. കുട്ടനെല്ലൂർ സ്‌പോർട്ടേക്കർ ടർഫ് ഗ്രൗണ്ടിൽ ഇന്ന് വൈകീട്ട് 7ന് നടക്കുന്ന ചടങ്ങിന്റെ ഉദ്ഘാടനം സ്‌പെഷ്യൽ ബ്രാഞ്ച് ഡിവൈ.എസ്.പി (റൂറൽ) വി.കെ.രാജു നിർവഹിക്കും. ജെ.സി.ഐ ട്രിച്ചൂർ പൂരം സിറ്റി പ്രസിഡന്റ് റിജോ ജോസ്, തൃശൂർ പ്രസ് ക്ലബ് പ്രസിഡന്റ് ഒ.രാധിക, പ്രസ് ക്ലബ് സെക്രട്ടറി പോൾ മാത്യു, പ്രോഗ്രാം ഡയറക്ടർ ബെൻസർ കെ.തിമോത്തി, വൈസ് പ്രസിഡന്റ് റിൻചിൻ സിബി തുടങ്ങിയവർ പങ്കെടുക്കും. ഫുട്ബാൾ മത്സരത്തിൽ തൃശൂർ പ്രസ് ക്ലബ് ടീമും ജെ.സി.ഐ ടീമും ഏറ്റുമുട്ടും.