അമ്പലപുഴ: പുന്നപ്ര പറവൂരിൽ ഉത്സവത്തിനിടയിൽ നടന്ന സംഘർഷത്തിൽ യുവാവിനെ കുത്തിക്കൊന്ന കേസിലെ രണ്ടാം പ്രതിയും പിടിയിൽ. കളർകോട് പരബ്രഹ്മത്തിൽ അഭിജിത്തിനെയാണ് (21) പുന്നപ്ര പൊലീസ് അറസ്റ്റ് ചെയ്തത്. ഒന്നാം പ്രതി ചുങ്കം സ്വദേശി ശ്രീജിത്തിനെ (ശ്രീകുട്ടൻ-30) കഴിഞ്ഞ ദിവസം അറസ്റ്റ് ചെയ്തിരുന്നു. പുന്നപ്ര വടക്ക് പഞ്ചായത്ത് നാലാം വാർഡിൽ തട്ടാന്തറ വീട്ടിൽ സലിം കുമാറിന്റെ മകൻ അതുൽ (26) ആണ് കൊല്ലപ്പെട്ടത്. വെള്ളിയാഴ്ച രാത്രി പറവൂർ ഭഗവതിക്കൽ ക്ഷേത്രത്തിലെ ഉത്സവത്തിനിടയിലാണ് കുത്തേറ്റത്. ഗാനമേളയ്ക്കിടെ തുള്ളിയതിനെ തുടർന്നാണ് സംഘർഷമുണ്ടായത്.