മൊറാർ‌ജിഭായി പുരസ്കാരം കെ. സുധാകരന് നൽകി

കോട്ടയം: മൊറാർജി ദേശായി ചാരിറ്റബിൾ സൊസൈറ്റിയുടെ ആഭിമുഖ്യത്തിൽ മൊറാർ‌ജിഭായി പുരസ്കാരം കെ.പി.സി.സി പ്രസിഡ​ന്റ് കെ. സുധാകരന് നൽകി. മൊറാർജി ദേശായിയുടെ 127-ാം ജന്മദിനവും അവാർഡ് സമർപ്പണവും ഡയാലിസിസ് കിറ്റ് വിതരണവും റിട്ടേർഡ് ജ​സ്റ്റിസ് കെ.ടി. തോമസ് നിർവഹിച്ചു. സൊസൈറ്റി പ്രസിഡ​ന്റ് ടി.എം. വർ​ഗീസ് അദ്ധ്യക്ഷത വഹിച്ചു. ഡി.സി.സി പ്രസിഡ​ന്റ് നാട്ടകം സുരേഷ്, എൽ.ജെ.ഡി ജില്ലാ പ്രസിഡ​ന്റ് പി.ഒ. വർക്കി, പ്രൊഫ. ജോസ് മാത്യു, എം.എം. ഉമ്മൻ, കെ.എ. ​ഗോപാലകൃഷ്ണൻ നായർ, മാത്യു ചെറിയാൻ, ജോസ് തെങ്ങുംതിരുത്തേൽ എന്നിവർ പങ്കെടുത്തു.