തുല്യതാ രജിസ്ട്രേഷൻ 15 വരെ

തൃശൂർ: പൊതുവിദ്യാഭ്യാസ വകുപ്പുമായി ചേർന്ന് സംസ്ഥാന സാക്ഷരതാ മിഷൻ നടത്തുന്ന തുല്യതാ കോഴ്‌സുകളുടെ രജിസ്‌ട്രേഷൻ 15ന് അവസാനിക്കും. ഏഴാം ക്ലാസ് വിജയിച്ച 17 വയസ് തികഞ്ഞവർക്ക് പത്താംതരം തുല്യതയ്ക്കും പത്താംക്ലാസ് ജയിച്ചവർക്ക് ഹയർ സെക്കൻഡറി തുല്യതയ്ക്കും രജിസ്റ്റർ ചെയ്യാം.
പത്താംതരം തുല്യതയ്ക്ക് 1,950 രൂപയും ഹയർസെക്കൻഡറിക്ക് 2,600 രൂപയും അടയ്ക്കണം. 2019 വരെ പത്താം ക്ലാസ് പരാജയപ്പെട്ടവർക്ക് കോഴ്‌സിൽ ചേരാം. ഓൺലൈനായാണ് രജിസ്‌ട്രേഷൻ. പട്ടികജാതി പട്ടികവർഗ്ഗ വിഭാഗങ്ങൾക്ക് പത്താംതരത്തിന് 100 രൂപയും ഹയർ സെക്കൻഡറിക്ക് 300രൂപയും അടച്ചാൽ മതി. എസ്.ടി വിഭാഗത്തിലുള്ളവർക്ക് തുടർപഠനത്തിന് സർക്കാർ സ്‌കോളർഷിപ്പ് നൽകും. ട്രാൻസ്‌ജെൻഡർ വിഭാഗക്കാർക്ക് പഠനസഹായമുണ്ട്. രണ്ടാം ശനി, ഞായർ ദിവസങ്ങളിൽ സമ്പർക്ക പഠന ക്ലാസുണ്ടാകും. ഫോൺ: 0487 2365024, 9446793460.