SignIn
Kerala Kaumudi Online
Monday, 22 July 2024 5.15 PM IST

ത്രിരാഷ്ട്ര ഫുട്ബാൾ : ഇന്ത്യയ്ക്ക് വിജയത്തുടക്കം

football

1-0ത്തിന് മ്യാൻമറിനെ തോൽപ്പിച്ചു,ഗോളടിച്ചത് അനിരുദ്ധ് ഥാപ്പ

ഇംഫാൽ : മണിപ്പൂരിന്റെ മണ്ണിൽ ആദ്യമായി നടന്ന അന്താരാഷ്ട്ര ഫുട്ബാൾ മത്സരത്തിൽ വെന്നിക്കൊടി പാറിച്ച് ഇന്ത്യ.ത്രിരാഷ്ട്ര ഫുട്ബാൾ ടൂർണമെന്റിൽ മ്യാൻമറിനെ ഏകപക്ഷീയമായ ഒരു ഗോളിനാണ് ഇന്ത്യ ഇന്നലെ കീഴടക്കിയത്. 45-ാം മിനിട്ടിൽ അനിരുദ്ധ് ഥാപ്പയാണ് ഇന്ത്യയുടെ വിജയഗോളടിച്ചത്.

ഇംഫാലിലെ ഖുമാൻ ലാംപക് സ്റ്റേഡിയത്തിൽ തുടക്കം മുതൽ ആക്രമിച്ച് കളിച്ചത് ഇന്ത്യയാണെങ്കിലും ഗോളുകൾ അധികം പിറന്നിരുന്നില്ല.14-ാം മിനിട്ടിലാണ് ഇന്ത്യയ്ക്ക് ആദ്യമായി നല്ലൊരവസരം സൃഷ്ടിക്കാനായത്. എന്നാൽ സുനിൽ ഛെത്രിയുടെ ഹെഡർ പുറത്തേക്കാണ് പോയത്. ലാലിയൻ സുവാല ചാംഗ്തെയും ബിപിൻ സിംഗും ചേർന്ന് തുടർന്നും മ്യാൻമർ ഗോൾ മുഖത്ത് അപകടങ്ങൾ സൃഷ്ടിച്ചുകൊണ്ടിരുന്നു. 22-ാം മിനിട്ടിൽ ഒരു കോർണർ കിക്കിൽ നിന്നുള്ള മ്യാൻമറിന്റെ ഗോൾ ശ്രമം അമരീന്ദർ സേവ് ചെയ്തു. 31-ാം മിനിട്ടിൽ ലഭിച്ച ഒരു സുവർണാവസരവും ഛെത്രി പാഴാക്കിയിരുന്നു.

തുടർന്ന് മ്യാൻമറിന്റെ ഭാഗത്തുനിന്ന് നല്ലൊരു നീക്കമുണ്ടായി. 35-ാം മിനിട്ടിലെ ഈ ശ്രമമവും അമരീന്ദർ നിർവീര്യമാക്കുകയായിരുന്നു.40-ാം മിനിട്ടിൽ ഛെത്രിയിൽ നിന്ന് സെൽഫ് ഗോൾ പിറക്കേണ്ടതായിരുന്നുവെങ്കിലും അവിടെയും അമരീന്ദർ രക്ഷകനായി. ആദ്യ പകുതിയുടെ അവസാന മിനിട്ടിൽ രാഹുൽ ഭെക്കെ നൽകിയ തകർപ്പൻ ക്രോസിൽ നിന്നാണ് അനിരുദ്ധ് ഗോളടിച്ചത്.

രണ്ടാം പകുതിയിൽ ലീഡുയർത്താൻ ഇന്ത്യയ്ക്ക് നിരവധി അവസരങ്ങൾ ലഭിച്ചു.74-ാം മിനിട്ടിൽ ഥാപ്പയുടെ പാസിൽ നിന്ന് ഛെത്രി വലകുലുക്കിയെങ്കിലും റഫറി ഓഫ് സൈഡ് വിളിച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, SPORTS, FOOTBALL
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.