ഇന്നസെന്റിനെ അനുസ്മരിച്ച് ജഗതി ശ്രീകുമാർ. 'മായില്ലൊരിക്കലും" എന്നാണ് ജഗതിയുടെ സോഷ്യൽ മീഡിയ ഹാൻഡലിൽ കുറിച്ചിരിക്കുന്നത്. നിരവധി ചിത്രങ്ങളിൽ ഹാസ്യരംഗങ്ങളിൽ ഇന്നസെന്റിന്റെയും ജഗതിയുടെയും കോമ്പിനേഷൻ സീൻ മാറ്റിനിറുത്താനാവാത്തതാണ്.

കാബൂളിവാല എന്ന ചിത്രത്തിലെ ഇരുവരുടെയും പ്രകടനം മലയാളികൾക്ക് മറക്കാനാവില്ല. മിഥുനത്തിൽ ശത്രുക്കളായ സഹോദരൻമാർ,​ ശ്രീകൃഷ്ണപുരത്തെ നക്ഷത്രത്തിളക്കത്തിൽ ഒരുമയുള്ള സഹോദരങ്ങൾ .വെട്ടം, നന്ദനം, കിലുക്കം, കഥ പറയുമ്പോൾ, നരൻ, മിസ്റ്റർ ബട്ട്‌ലർ, നമ്പർ 20 മദ്രാസ് മെയിൽ, ബാലേട്ടൻ, വെള്ളിത്തിര,​ പിൻഗാമി, മേരിക്കുണ്ടൊരു കുഞ്ഞാട്, കാക്കക്കുയിൽ, മാടമ്പി, ആകാശഗംഗ തുടങ്ങി എത്രയോ ചിത്രങ്ങളിൽ ഇരുവരും പ്രേക്ഷകരെ രസിപ്പിച്ചു.