ന്യൂഡൽഹി:നെല്ലിന്റെ താങ്ങുവില ക്വിന്റലിന് 143 രൂപ വർദ്ധിപ്പിക്കാൻ കേന്ദ്ര മന്ത്രിസഭായോഗം അനുമതി നൽകി. സാധാരണ ഇനത്തിലുള്ള നെല്ലിന്റെ താങ്ങുവില ക്വിന്റലിന് 2183രൂപയായും (പഴയ വില ക്വിന്റലിന് 2040രൂപ) ഗ്രേഡ് എ ഇനത്തിന് 2203 രൂപയായും (പഴയ വില ക്വിന്റലിന് 2060രൂപ) വർദ്ധിക്കും.

എല്ലാ മൺസൂൺ (ഖാരിഫ്) വിളകളുടെയും 2023-24 മാർക്കറ്റിംഗ് സീസണിലെ താങ്ങുവില വർദ്ധിപ്പിക്കാനും തീരുമാനമായി. എള്ളിനാണ് കൂടുതൽ വർദ്ധന. ക്വിന്റലിന് 8635 രൂപ.

കേരളത്തി​ൽ സംഭരി​ച്ച നെല്ലി​ന് പണം നൽകാത്തതി​ന്റെ പേരി​ൽ കർഷകർ പ്രക്ഷോഭം നടത്തുന്നതി​നി​ടെയാണ് കേന്ദ്ര സർക്കാർ താങ്ങുവി​ല വർദ്ധി​പ്പി​ച്ചത്. കർഷകർക്ക് കുറഞ്ഞത് ഉൽപാദനച്ചെലവിന്റെ 50ശതമാനം മാർജിൻ ലഭിക്കുന്ന തരത്തി​ലാണ് താങ്ങുവി​ല നി​ശ്ചയി​ച്ചി​ട്ടുള്ളത്.

നെൽ കർഷകർക്ക് അടക്കം ഉൽപ്പന്നങ്ങൾക്ക് ആദായകരമായ വില ഉറപ്പാക്കാനാണ് താങ്ങുവില വർദ്ധിപ്പിച്ചതെന്ന് കേന്ദ്രസർക്കാർ അറിയിച്ചു.

തൊഴിലാളികൾ, കാളകളെ അല്ലെങ്കി​ൽ യന്ത്രം ഉപയോഗിച്ച് ചെയ്യുന്ന പണിക്കൂലി​, പാട്ടത്തിനെടുത്ത ഭൂമിയുടെ വാടക, വിത്ത്, വളം, രാസവളം, ജലസേചന ചാർജ്ജുകൾ ഉപകരണങ്ങളുടെയും കാർഷിക കെട്ടിടങ്ങളുടെയും മൂല്യത്തകർച്ച, പ്രവർത്തന മൂലധനത്തിന്റെ പലിശ, പമ്പുസെറ്റുകൾക്കുള്ള ഡീസൽ/വൈദ്യുതി എന്നിവയുടെ അടക്കം ചെലവും അദ്ധ്വാനത്തിന്റെ മൂല്യവും കണക്കി​ലെടുത്താണ് താങ്ങുവി​ല നി​ശ്ചയി​ച്ചതെന്നും കേന്ദ്രമന്ത്രി​

പി​യൂഷ് ഗോയൽ അറി​യി​ച്ചു.

2022-23 സീസണി​ൽ രാജ്യത്ത് മൊത്തം 330.5 ദശലക്ഷം ടണ്ണിന്റെ റെക്കാർഡ് ഭക്ഷ്യധാന്യ ഉൽപ്പാദനമാണ് കണക്കാക്കുന്നത്. 2021-22ലേക്കാൾ 14.9 ദശലക്ഷം ടൺ കൂടുതൽ. അഞ്ച് വർഷത്തിനിടയിലെ ഏറ്റവും ഉയർന്ന ഉൽപാദനമാണി​ത്.