മധുവിന് ആശംസകൾ നേർന്ന് മുഖ്യമന്ത്രി

തിരുവനന്തപുരം: നവതിയിലെത്തിയ നടൻ മധുവിന് മുഖ്യമന്ത്രി പിണറായി വിജയൻ പിറന്നാൾ ആശംസകൾ നേർന്നു.

മലയാളസിനിമയുടെ പരിണാമത്തോടൊപ്പം സഞ്ചരിച്ച കലാജീവിതമാണ് മധുവിന്റേത്. നാമെല്ലാം ഓർത്തിരിക്കുന്ന ഒരുപാട് കഥാപാത്രങ്ങൾക്ക് ജീവൻ നൽകിയ ഈ മഹാനടൻ ചലച്ചിത്രനിർമ്മാണത്തിന്റെ മറ്റ് സർഗാത്മക മേഖലകളിലും തന്റേതായ മുദ്ര പതിപ്പിച്ചു. അഭിനയത്തോടും സിനിമയോടുമുള്ള പ്രതിബദ്ധതയും ഊർജജസ്വലതയും കാത്തുസൂക്ഷിക്കാനുള്ള സമർപ്പണമനോഭാവം എല്ലാവർക്കും മാതൃകയാണ്. എന്ന് ആശംസാ സന്ദേശത്തിൽ പറയുന്നു.