കവി സച്ചിദാനന്ദൻ പ്രസംഗത്തിനിടെ കുഴഞ്ഞുവീണു

കോട്ടയം: പ്രസംഗത്തിനിടെ കുഴഞ്ഞു വീണതിനെ തുടർന്ന് കവിയും കേരള സാഹിത്യ അക്കാഡമി പ്രസിഡന്റുമായ കെ.സച്ചിദാനന്ദനെ കോട്ടയത്തെ സ്വകാര്യ ആശുപത്രിയിൽ പ്രവേശിച്ചു. എം.ജി സർവകലാശാല ഡോ. പൗലോസ് മാർ ഗ്രിഗോറിയസ് ചെയർ കോട്ടയം ചുങ്കം പഴയ സെമിനാരി ഹാളിൽ സംഘടിപ്പിച്ച പരിപാടിയിൽ പ്രസംഗം അവസാനിപ്പിക്കാൻ

ഒരുങ്ങവെയാണ് സച്ചിദാനന്ദൻ കുഴിഞ്ഞു വീണത്. ഒബ്സർവേഷനിൽ തുടരുന്ന സച്ചിദാനന്ദനെ കൊവിഡ് ടെസ്റ്റിനും മറ്റും വിധേയനാക്കിയിട്ടുണ്ട്.നേരത്തേ മഹാത്മാഗാന്ധി സർവകലാശാല സംസ്‌കാരയുടെ നേതൃത്വത്തിൽ സച്ചിദാനന്ദനെ ആദരിച്ചിരുന്നു. ആ ചടങ്ങിന് ശേഷമാണ് ചുങ്കത്തെ പരിപാടിക്ക് എത്തിയത്.