അഞ്ച് വർഷങ്ങൾ കൊണ്ട് എടുത്തത് അറുപതോളം ടിക്കറ്റുകൾ; ഒടുവിൽ ബിഗ് ടിക്കറ്റിലൂടെ പ്രവാസി സ്വന്തമാക്കിയത് 44 കോടി രൂപ

അബുദാബി: പുതുവത്സരത്തിന്റെ ഭാഗമായി നടന്ന ബിഗ് ടിക്കറ്റ് നറുക്കെടുപ്പിൽ 44 കോടി രൂപ സ്വന്തമാക്കി പ്രവാസി ഇന്ത്യാക്കാരൻ. യുഎയിലെ അൽ ഐനിലെ ടാക്സി ഡ്രൈവറായ മുനവർ ഫൈറൂസിനാണ് ഈ ഭാഗ്യം ലഭിച്ചത്. ഡിസംബർ 31ന് നടന്ന ബിഗ് ടിക്കറ്റ് നറുക്കെടുപ്പിലാണ് ജാക്ക്പോട്ട് വിജയിയായി ഫൈറൂസ് മാറിയത്. ബിഗ്ടിക്കറ്റിന്റെ 259-ാമത്തെ നറുക്കെടുപ്പാണ് കഴിഞ്ഞ മാസം നടന്നത്.

കഴിഞ്ഞ അഞ്ച് വർഷങ്ങളായി എല്ലാ മാസവും ഫൈറൂസ് ടിക്ക​റ്റ് എടുക്കാറുണ്ട്. ഇത്തവത്തെ ബിഗ് ടിക്കറ്റ് വിജയി താനാണെന്ന് അറിഞ്ഞപ്പോൾ അതിശയമായി തോന്നിയെന്ന് ഫൈറൂസ് മാദ്ധ്യമങ്ങളോട് പറഞ്ഞു. ഭാഗ്യശാലിയായത് ഇപ്പോഴും വിശ്വസിക്കാൻ സാധിക്കുന്നില്ലെന്നും 30 പേരുടെ കൈയിൽ നിന്നും പണം പിരിച്ചാണ് ടിക്ക​റ്റ് വാങ്ങിയതെന്നും ഫൈറൂസ് പറഞ്ഞു.

View this post on Instagram

A post shared by Big Ticket (@bigticketauh)

ഫൈറൂസിനെ കൂടാതെ പാലസ്തീൻ, ലെബനീസ്, സൗദി അറേബ്യ തുടങ്ങിയ രാജ്യങ്ങളിൽ നിന്നുളള പത്തോളം പേർക്കും 22 കോടിയോളം രൂപയാണ് സമ്മാനത്തുകയായി ലഭിച്ചത്. അതേ ദിവസം തന്നെ ഇന്ത്യക്കാരനായ സുദേഷ് കുമാർ കുമാരേശ്വനെ ഫോർത്ത് വീക്കിലി ഇ ഡ്രോ വിന്നറായി തിരഞ്ഞെടുത്തു. എകദേശം രണ്ട് കോടിയോളം രൂപയാണ് സുദേഷിന് ലഭിച്ചത്. എത്തിഹാദ് എയർവെയ്സിൽ എഞ്ചിനിയറായ ഇയാൾ അബുദാബിയിലാണ് താമസം.