തിരുവനന്തപുരം: ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിൽ വേനൽ മഴയ്ക്ക് സാദ്ധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. നാളെ ആലപ്പുഴ, എറണാകുളം ജില്ലകളിലും മറ്റന്നാൾ ആലപ്പുഴ, എറണാകുളം, കൊല്ലം ജില്ലകളിലും മഴയ്ക്ക് സാദ്ധ്യത.
ക്ഷേത്രങ്ങളിലെ തൂക്കം
ഒഴിവാക്കണം: സന്യാസി സംഗമം
തൃശൂർ: ക്ഷേത്രാചാരങ്ങളുടെ പേരിൽ നടത്തുന്ന തൂക്കം, മേൽവസ്ത്ര നിരോധനം തുടങ്ങിയവ ഒഴിവാക്കണമെന്ന് തൃശ്ശിവപേരൂർ സന്യാസി മഹാസംഗമം ആവശ്യപ്പെട്ടു. ജാതി വിവേചനം, അസമത്വം പോലെയുള്ള അനാചാരങ്ങളും പൂർണമായും ഒഴിവാക്കണം. ക്ഷേത്രങ്ങളെ സേവാ പ്രവർത്തനം, ആദ്ധ്യാത്മിക സാധന, സാന്ത്വന പരിചരണം തുടങ്ങിയ പ്രവർത്തനങ്ങളുടെ കേന്ദ്രങ്ങളാക്കണം. സനാതന ധർമ്മത്തിനെതിരെയുള്ള അപവാദ പ്രചാരണങ്ങളെ ചെറുക്കണം. വിദ്യാഭ്യാസ കുടിയേറ്റം, ആത്മഹത്യ പ്രവണത എന്നിവയ്ക്കെതിരെ ബോധവത്കരണം വേണം.
തെക്കേ ഗോപുര നടയിൽ നടന്ന സമാപന സഭയിൽ സംബോധ് ഫൗണ്ടേഷൻ ആചാര്യൻ സ്വാമി അദ്ധ്യാത്മാനന്ദ സരസ്വതി തൃശ്ശിവപേരൂർ വിളംബരം അവതരിപ്പിച്ചു. 400ഓളം സന്ന്യാസിമാർ പങ്കെടുത്തു. സ്വാമി ചിദാനന്ദപുരി മുഖ്യപ്രഭാഷണം നടത്തി. സ്വാമി നന്ദാത്മജാനന്ദ (ശ്രീരാമകൃഷ്ണ മിഷൻ),സ്വാമി സത്സ്വരൂപാനന്ദ, സ്വാമി വിവിക്താനന്ദ സരസ്വതി (ചിന്മയ മിഷൻ), സ്വാമി പ്രജ്ഞാനാനന്ദ തീർത്ഥപാദർ (വാഴൂർ തീർത്ഥ പാദാശ്രമം), സ്വാമി സ്വപ്രഭാനന്ദ, സ്വാമി ബ്രഹ്മസ്വരൂപാനന്ദ (ശിവഗിരി മഠം), സ്വാമി ആത്മസ്വരൂപാനന്ദ, സ്വാമി അമൃതകൃപാനന്ദപുരി, മാതാ ഭവ്യാമൃതപ്രാണ (മാതാ അമൃതാനന്ദമയി മഠം), സ്വാമി ഡോ.ധർമാനന്ദ, സ്വാമി ചണ്ഡാള ബാബ, സ്വാമി ബോധീന്ദ്ര തീർത്ഥ, സ്വാമി ബ്രഹ്മപാദാനന്ദ സരസ്വതി (ശ്രീരാമദാസ മിഷൻ), സ്വാമി പുരുഷോത്തമാനന്ദ സരസ്വതി, സ്വാമി കൃഷ്ണാത്മാനന്ദ ഭാരതി, വിശ്വഹിന്ദുപരിഷത്ത് അന്തർ ദേശീയ ജോയിന്റ് സെക്രട്ടറി സ്ഥാണുമാലയൻ, സംസ്ഥാന പ്രസിഡന്റ് വിജി തമ്പി, ആർ.എസ്.എസ് പ്രാന്ത കാര്യകാരിയംഗം വി.കെ.വിശ്വനാഥൻ എന്നിവർ പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |