ചെന്നൈ: തമിഴ്നാട് ശ്രീപെരുമ്പത്തൂരിൽ 1425 കിലോ സ്വർണക്കട്ടികൾ പിടികൂടി. ഇലക്ഷൻ സ്ക്വാഡാണ് പിടികൂടിയത്. മിനിലോറിയിലാണ് സ്വർണം കൊണ്ടുവന്നത്. ശ്രീപെരുമ്പത്തൂരിലെ ഗോഡൗണിലേക്കുള്ള സ്വർണമാണെന്നാണ് വാഹനത്തിലുള്ളവർ പറഞ്ഞത്. എന്നാൽ മതിയായ രേഖകൾ പക്കലില്ലാതെ വന്നതോടെ സ്വർണം പിടിച്ചെടുക്കുകയായിരുന്നു. 700 കോടി രൂപ വില വരുന്ന സ്വർണമാണ് പിടിച്ചെടുത്തതെന്ന് അധികൃതർ അറിയിച്ചു. വിവരം ആദായനികുതി ഉദ്യോഗസ്ഥരെ അറിയിച്ചിട്ടുണ്ട്. തിരഞ്ഞെടുപ്പിനോട് അനുബന്ധിച്ച് എല്ലാ മണ്ഡലങ്ങളിലും പരിശോധന കർശനമാക്കി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |