തിരുവനന്തപുരം; ഭാരത് ഭവൻ, ലണ്ടൻ ആസ്ഥാനമായി പ്രവർത്തിക്കുന്ന ഇംപ്രോളജി യു.കെയുടേയും ഡൽഹിയിലെ ഇപ്പാഫിന്റെയും സഹകരണത്തോടെ സംഘടിപ്പിക്കുന്ന മനോധർമ്മാഭിനയ പരിശീലന കളരിയിൽ പങ്കെടുക്കാൻ അപേക്ഷകൾ ക്ഷണിച്ചു. 17 നു മുകളിൽ പ്രായമുള്ളവർക്ക് പങ്കെടുക്കാം . അഭിനയത്തിന്റെ നൈസർഗ്ഗീയമായ കഴിവുകൾ വികസിപ്പിക്കാനും വ്യക്തിത്വ വികാസത്തിനും, വിദ്യാഭ്യാസ -തൊഴിൽ മികവുകൾക്കും വേണ്ടിയുള്ള തിയേറ്റർ ഗെയിമുകളും, അഭിനയ ശൈലികളുടെ വൈവിദ്ധ്യങ്ങളും പരിചയപ്പെടുത്തും. മേയ് 2,3 തീയതികളിൽ രാവിലെ 9.30 മുതൽ 6 വരെയാണ് ശില്പശാല. നാടക - ചലച്ചിത്ര സംവിധായകൻ ഡോ. പ്രമോദ് പയ്യന്നൂർ ക്ലാസ്സുകൾ നയിക്കും. improbh24@gmail.com എന്ന ഇമെയിൽ ഐ.ഡി യിലേക്കോ മെമ്പർ സെക്രട്ടറി, ഭാരത് ഭവൻ, തൃപ്തി, തൈക്കാട്, തിരുവനന്തപുരം - 14 എന്ന മേൽവിലാസത്തിലേക്കോ 28 ന് മുമ്പ് അപേക്ഷിക്കണം. ഫോൺ: 0471 – 4000 282 .
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |