തിരുവനന്തപുരം: അന്ധമായ ഇടതുപക്ഷ വിരോധത്താൽ കോൺഗ്രസ് അഗാധമായ രാഷ്ട്രീയ പ്രതിസന്ധി നേരിടുകയാണെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം.
ബി.ജെ.പിക്കൊപ്പം അവർ എസ്.ഡി.പി.ഐ യെയും കൂട്ടുപിടിച്ചു. ഗാന്ധി, നെഹ്‌റു മൂല്യങ്ങൾ മറന്ന കേരളത്തിലെ കോൺഗ്രസ് മറന്നു. മോദിയുടെ വിഷം വമിക്കുന്ന മുസ്ലീം വിരുദ്ധ പ്രസ്ഥാവനയെപ്പോലും ഫലപ്രദമായി ചെറുക്കാൻ കോൺഗ്രസിനായില്ല. ഇന്ത്യ സഖ്യത്തിന്റെ രാഷ്ട്രീയ വീക്ഷണങ്ങൾക്ക് നിരക്കാത്ത നിലപാടാണ് കോൺഗ്രസ് കേരളത്തിൽ കൈക്കൊള്ളുന്നത്. കോൺഗ്രസിൽ നിന്ന് ബി. ജെ. പി യിലേക്കുള്ള കുത്തൊഴുക്കിനാണ് ഇത് വഴി വയ്ക്കുന്നത്. അവശ്യഘട്ടങ്ങളിൽ ബി.ജെ.പിക്ക് വേണ്ടി കൈ പൊക്കുന്നവരായി കോൺഗ്രസ് മാറുമ്പോൾ ന്യൂനപക്ഷങ്ങളുടെ മനസ്സിൽ ആ പാർട്ടിയുടെ സ്ഥാനം നാൾക്കുനാൾ ഇടിയുകയാണ്. വ്യാജ പ്രസ്ഥാവനകളും കപട വാർത്തകളുമായി ഇടതുപക്ഷത്തെ നേരിടാമെന്ന കോൺഗ്രസ് - ബി.ജെ. പി ശക്തികളുടെ വ്യാമോഹം വിലപോകില്ലായെന്ന് ബിനോയ് വിശ്വം പറഞ്ഞു.