SignIn
Kerala Kaumudi Online
Wednesday, 24 July 2024 11.54 AM IST

പൂത്തോട്ട കെ.പി.എം സ്കൂളിനും നൂറുമേനി

tripunithura

തൃപ്പൂണിത്തുറ: നൂറുമേനി വിജയനേട്ടത്തിൽ പൂത്തോട്ട ക്ഷേത്ര പ്രവേശന മെമ്മോറിയൽ (കെ.പി.എം.) ഹൈസ്‌കൂൾ. എസ്.എസ്.എൽ.സി പരീക്ഷയിൽ ഇക്കുറി​യും സുവർണ നേട്ടമാണ് സ്കൂൾ കൈവരിച്ചത്. പരീക്ഷ എഴുതിയ 346 വിദ്യാർത്ഥികൾ എല്ലാവരും ജയിച്ചു. 74 കുട്ടികൾ ഫുൾ എ പ്ളസ് നേടി. ശ്രീനാരായണ ഗുരുദേവൻ പ്രതിഷ്ഠ നടത്തിയ ശ്രീവല്ലഭ ക്ഷേത്രത്തിന്റെ മുറ്റത്ത് സ്ഥിതി ചെയ്യുന്ന സ്കൂളി​ന്റെ മി​കച്ച നേട്ടം നാടി​നാകെ ആഘോഷമായി​.

കഴി​ഞ്ഞവർഷവും പരീക്ഷ എഴുതി​യ 370 വി​ദ്യാർത്ഥി​കളും വി​ജയി​ച്ചി​രുന്നു. 63 ഫുൾ എ പ്ളസും കരസ്ഥമാക്കി​.

എസ്.എൻ.ഡി.പി. യോഗം പൂത്തോട്ട ശാഖയുടെ കീഴിലാണ് സ്കൂൾ. ശാഖാ പ്രസി​ഡന്റ് ഡി​. ഉണ്ണി​ക്കൃഷ്ണൻ, സെക്രട്ടറി​ കെ.കെ. അരുൺ​കാന്ത്, മുൻ മാനേജരുമായ ഇ.എൻ. മണി​യപ്പൻ, വൈസ് പ്രസി​ഡന്റ് പി​.ആർ.അനി​ല, ഹെഡ്മാസ്റ്റർ അനൂപ് സോമരാജൻ, അദ്ധ്യാപകർ, പി​.ടി​.എ. ഭാരവാഹി​കൾ തുടങ്ങി​യവരുടെ അശ്രാന്ത പരി​ശ്രമമാണ് സ്കൂളി​നെ നൂറുമേനി​ വി​ജയത്തി​ലേക്കെത്തി​ച്ചത്. ​എറണാകുളം, കോട്ടയം, ആലപ്പുഴ ജി​ല്ലകളുടെ സംഗമ സ്ഥാനമായതി​നാൽ മൂന്നു ജി​ല്ലകളി​ലെയും വി​ദ്യാർത്ഥി​കൾ ഇവി​ടെ പഠി​ക്കാനെത്തുന്നുണ്ട്. മത്സ്യതൊഴി​ലാളി​കളുടെയും കർഷകതൊഴി​ലാളി​കളുടെയും മക്കളായ തീർത്തും സാധാരണക്കാരായ കുട്ടി​കളാണ് ഇവരി​ൽ ഭൂരി​ഭാഗവും.

കലാ, കായിക, ക്ലബ്ബ് തല പ്രവർത്തനങ്ങളിലും സ്കൂൾ സംസ്ഥാനത്ത് മുൻനിരയിലാണ്. അന്താരാഷ്ട്ര നിലവാരമുള്ള കളിസ്ഥലം സ്‌കൂളിന്റെ മേന്മയാണ്. എൻ.സി.സി, ജെ.ആർ.സി, ലിറ്റിൽ കൈറ്റ്, സ്‌കൗട്ട് ആൻഡ് ഗൈഡ് തുടങ്ങിയവ സ്‌കൂളിൽ കാര്യക്ഷമമായി പ്രവർത്തിക്കുന്നുണ്ട്. ഭാഷ,ശാസ്ത്ര, ഇതര ക്ലബുകളും മികച്ച പ്രവർത്തനങ്ങളിലൂടെ സാമൂഹികമായി ശ്രദ്ധ നേടിവരുന്നു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, ERNAKULAM
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.