അവധിക്കാല ക്യാമ്പ് നാളെ

വൈക്കം : ബാലവേദി വൈക്കം മണ്ഡലം കമ്മിറ്റി സംഘടിപ്പിക്കുന്ന കുട്ടികളുടെ അവധിക്കാല ക്യാമ്പ് ബാലോത്സവം നാളെ രാവിലെ 9 മുതൽ കൊതവറ സെന്റ് സേവ്യേഴ്‌സ് കോളേജിൽ നടക്കും. നാസയുമായി ചേർന്ന് നടത്തിയ ഗവേഷണത്തിലൂടെ പുതിയ ഛിന്ന ഗ്രഹങ്ങളെ കണ്ടെത്തിയ ശ്രേയസ് ഗിരീഷ് ഉദ്ഘാടനം ചെയ്യും. പ്രൊഫ.എം.എം.സജീന്ദ്രൻ, പുന്നപ്ര ജ്യോതികുമാർ എന്നിവർ ക്ലാസെടുക്കും. ബാലവേദി ജില്ലാ രക്ഷാധികാര സമിതി പ്രസിഡന്റ് എം.ഡി. ബാബുരാജ്, വൈക്കം മണ്ഡലം രക്ഷാധികാര സമിതി പ്രസിഡന്റ് ആർ.സുരേഷ്, സെക്രട്ടറി പി.എസ്. മുരളീധരൻ, കൺവീനർ പി.പ്രദീപ്, അഡ്വ. എം.എസ്.കലേഷ്, എസ്. ബിജു എന്നിവർ നേതൃത്വം നൽകും.