തിരുവല്ല: തിരുവല്ല സർവീസ് സഹകരണ ബാങ്കിൽ പാഠ്യം 2024 പഠനോപകരണ വിതരണോദ്ഘാടനം ജില്ലാ ജോ.രജിസ്ട്രാർ ഹിരൺ എം.പി നിർവഹിച്ചു. ബാങ്ക് പ്രസിഡന്റ് എസ്.എൻ.ഹരികൃഷ്ണന്റെ അദ്ധ്യക്ഷതയിൽ കൂടിയ യോഗത്തിൽ അസി. രജിസ്ട്രാർ അജിതകുമാരി.പി.കെ, സെക്രട്ടറി ശ്യാംകുമാർ, രാജേഷ്, രാധാകൃഷ്ണൻ വേണാട്, സുകുമാരൻ, സുരേഷ് കാവുംഭാഗം എന്നിവർ പ്രസംഗിച്ചു. തുടർന്ന് വിരമിക്കുന്ന ജില്ലാ ജോ.രജിസ്ട്രാർ ഹിരൺ എം.പിക്ക് യാത്രയപ്പ് നൽകി. പി.കെ. ഗോപിദാസ്, വിഷ്ണുനമ്പൂതിരി, ദീപാവർമ്മ, ബിന്ദു സംക്രമത്ത്, അനീഷ് എന്നിവർ ചേർന്ന് ആദരിച്ചു. 400 ഓളം വിദ്യാർത്ഥികൾക്ക് പഠനോപകരണം വിതരണം ചെയ്തു.