SignIn
Kerala Kaumudi Online
Friday, 14 June 2024 8.05 AM IST

ചെകുത്താന്റെ ഐസ്ക്രീം !

pic

ലണ്ടൻ: നല്ല തണുത്ത വിവിധ രുചികളിലെ ഐസ്ക്രീം ഇഷ്ടമല്ലാത്തവർ ചുരുക്കമായിരിക്കും. തണുപ്പ് പോലെ തന്നെ മധുരമാണ് ഐസ്ക്രീമിന്റെ പ്രധാന ഹൈലൈറ്റുകളിൽ ഒന്ന്. എന്നാൽ നല്ല തണുത്ത എരിവുള്ള ഐസ്ക്രീമിനെ പറ്റി കേട്ടിട്ടുണ്ടോ ?​ എരിവെന്ന് പറഞ്ഞാൽ സാധാരണ എരിവല്ല. ഏകദേശം 1,569,300 സ്കോവിൽ സ്കെയിൽ യൂണിറ്റ് എരിവോട് കൂടിയ ഐസ്ക്രീം. പേര്, റെസ്പിറോ ഡെൽ ഡിയവോളോ' അഥവാ ' ചെകുത്താന്റെ ശ്വാസം.'

സാധാരണ നല്ല എരിവോട് കൂടിയ പിരി പിരി മുളകിന് 50,000 -175,000 സ്കോവിൽ സ്കെയിൽ യൂണിറ്റ് എരിവാണുള്ളത്. ലോകത്തെ ഏറ്റവും എരിവുള്ള മുളകുകളിൽ ഒന്നായ കാരലൈന റീപ്പറുകൾ ഉപയോഗിച്ചാണ് ചെകുത്താൻ ഐസ്ക്രീം തയാറാക്കുന്നത്. സ്കോട്ട്‌ലൻഡിലെ ഗ്ലാസ്‌ഗോയിലുള്ള ആൽഡിവിച് കഫേ ആൻഡ് ഐസ്ക്രീം പാർലർ ആണ് ഈ ഐസ്ക്രീമിന്റെ നിർമ്മാതാക്കൾ.

കഠിനമായ എരിവുള്ളതിനാൽ 18 വയസിന് മുകളിലുള്ള ആവശ്യക്കാർക്ക് മാത്രമേ ഈ ഐസ്ക്രീം വിൽക്കുകയുള്ളു. കൂടാതെ, ഐസ്ക്രീം കഴിച്ച് എന്തെങ്കിലും സംഭവിച്ചാൽ സ്വന്തം ഉത്തരവാദിത്വം മാത്രമാണെന്നും റെസ്റ്റോറന്റിന് ബാധ്യതയില്ലെന്നും കാട്ടുന്ന പത്രത്തിൽ ആദ്യം ഒപ്പിടുകയും വേണം.

സ്പിറോ ഡെൽ ഡിയവോളോ ഐസ്ക്രീമിന്റെ റെസിപി സീക്രട്ടാണ്. 2018ൽ ആദ്യമായി അവതരിപ്പിച്ച ഈ ഐസ്ക്രീം സ്കൂപ്പിന് 235 രൂപ വരെയാണ് വില. ഏതായാലും എരിവ് ഉപയോഗിക്കാത്തവർ ഈ ഐസ്ക്രീമിന്റെ അരികിലേക്ക് പോകരുതെന്ന് ഐസ്ക്രീം പരീക്ഷിച്ച ചിലർ പറയുന്നു. ഐസ്ക്രീം കഴിച്ചവരിൽ ചിലർക്ക് ബോധക്ഷയം മുതൽ പാനിക് അറ്റാക്ക് വരെ വന്നതായി പറയപ്പെടുന്നു. ലോകത്തെ ഏറ്റവും അപകടകരമായ ഐസ്ക്രീം എന്നാണ് ഇതിനെ വിശേഷിപ്പിക്കുന്നത്.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, WORLD, WORLD NEWS
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.