തിരുവനന്തപുരം: തദ്ദേശ സ്ഥാപനങ്ങളിലെ വാർഡ് വിഭജനത്തിന് നിയമസഭ പാസാക്കിയ

രണ്ട് ബില്ലുകളിൽ ഗവർണർ ഒപ്പിട്ടേക്കില്ല. ഏറ്റവും പുതിയ സെൻസസ് പ്രകാരമായിരിക്കണം വാർഡ് വിഭജനമെന്നും, അതിൽ തുല്യ ജനസംഖ്യാ അനുപാതം പാലിക്കണമെന്നുമുള്ള ചട്ടങ്ങൾ പാലിക്കാത്തതിനാൽ ബിൽ ഭരണഘടനാ വിരുദ്ധമാണെന്നാണ് ഗവർണറുടെ വിലയിരുത്തൽ.

സബ്ജക്ട് കമ്മിറ്റിക്ക് വിടാതെയും നിയമസഭയിൽ ചർച്ച ചെയ്യാതെയുമാണ്

അഞ്ച് മിനിട്ടിൽ ബില്ലുകൾ പാസാക്കിയത്. അടുത്ത വർഷം തദ്ദേശ തിരഞ്ഞെടുപ്പ് നടക്കാനിരിക്കെ, രാഷ്ട്രീയ ലക്ഷ്യത്തോടെയാണ് ബില്ലുകൾ പാസാക്കിയതെന്ന് ഗവർണർ വിലയിരുത്തുന്നു. ഒപ്പിടരുതെന്ന് പ്രതിപക്ഷ നേതാവ് വി.ഡി.സതീശൻ കത്ത്നൽകിയിട്ടുണ്ട്. ബില്ലുകൾ തടഞ്ഞുവയ്ക്കാനാണ് സാദ്ധ്യത.

2021ൽ സെൻസസ് നടക്കാത്തതിനാൽ ജനസംഖ്യാ വർദ്ധനവിന്റെ കണക്കില്ല. അതുകൊണ്ടാണ് നിയമ ഭേദഗതി വേണ്ടിവന്നത്. ഒരുതദ്ദേശ സ്ഥാപനത്തിൽ ഒരുവാർഡ് വീതം കൂട്ടാനാണ് ബിൽ. പഞ്ചായത്തുകളിൽ ആയിരം പേർക്ക് ഒരു വാർഡെന്നാണ് കണക്ക്.

നടപടികൾക്ക് തിടുക്കം

ബില്ലുകൾ നിയമമാവും മുൻപേ തിടുക്കത്തിൽ വാർഡ് വിഭജനത്തിന് കമ്മിഷൻ രൂപീകരിച്ചതിലും അസ്വാഭാവികതയുണ്ടെന്ന് ഗവർണർ കരുതുന്നു. ബില്ലുകൾ രാജ്ഭവനിലെത്തിക്കും മുൻപേ സംസ്ഥാന തിരഞ്ഞെടുപ്പ് കമ്മിഷണർ എ.ഷാജഹാൻ ചെയർമാനായി ഡീലിമിറ്റേഷൻ കമ്മിഷൻ രൂപീകരിച്ചു. വാർഡ് വിഭജനത്തിന് ഒരു വർഷമെടുക്കുമെന്നതിനാൽ പ്രാരംഭ നടപടി തുടങ്ങുന്നുവെന്നാണ് സർക്കാർ രാജ്ഭവനെ അറിയിച്ചത്. കമ്മിഷന് ഓഫീസ് തുറക്കാനും സെക്രട്ടറിയെയും ഡെപ്യൂട്ടേഷനിൽ ജീവനക്കാരെയും വയ്ക്കാനും നടപടി തുടങ്ങിക്കഴിഞ്ഞു.

ലക്ഷ്യം ഭരണം

പിടിക്കൽ

ഒരുവാർഡ് കൂട്ടാൻ എല്ലാവാർഡുകളുടെയും അതിർത്തി പുനർനിർണയിക്കേണ്ടിവരും

ഭരണംപിടിക്കാൻ അനുകൂലമാകുന്ന പ്രദേശങ്ങൾ കൂട്ടിച്ചേർത്താവും പുതിയ വാർഡ്

കുരുക്കുകൾ

1)ജനസംഖ്യയും തദ്ദേശസ്ഥാപന അംഗങ്ങളും തമ്മിലുള്ള അനുപാതം സംസ്ഥാനമാകെ സമാനമായിരിക്കണമെന്ന് ഭരണഘടനയുടെ 243(സി) അനുച്ഛേദം. പുതിയജനസംഖ്യാ കണക്കില്ലാത്തതിനാൽ ഇത് പാലിക്കപ്പെടില്ല

2)ജനസംഖ്യ പരിഗണിച്ചാവണം തദ്ദേശ ജനപ്രതിനിധികളുടെ എണ്ണം നിശ്ചയിക്കേണ്ടതെന്ന് പഞ്ചായത്തീരാജ്, മുനിസിപ്പൽ ആക്ടുകളിൽ വ്യവസ്ഥ. 2011ലെ കണക്കുകൾ മാത്രമാണ് ലഭ്യമായതെന്നതിനാൽ ഈചട്ടം പാലിക്കാനാവില്ല

വി​ദ്യാ​ഭ്യാ​സ​ ​സ്ഥാ​പ​ന​ങ്ങൾതു​ട​ങ്ങാൻ
ചു​വ​പ്പു​നാ​ട​ക​ളി​ല്ല​:​ ​മ​ന്ത്രി​ ​ബി​ന്ദു

തി​രു​വ​ന​ന്ത​പു​രം​:​ ​കേ​ര​ള​ത്തി​ൽ​ ​സ്വ​കാ​ര്യ​മേ​ഖ​ല​യി​ൽ​ ​വി​ദ്യാ​ഭ്യാ​സ​ ​സ്ഥാ​പ​ന​ങ്ങ​ൾ​ ​ആ​രം​ഭി​ക്കു​ന്ന​തി​ന് ​ചു​വ​പ്പു​നാ​ട​ക​ളി​ല്ലെ​ന്ന് ​മ​ന്ത്രി​ ​ഡോ.​ആ​ർ.​ബി​ന്ദു.​ ​കൂ​ടു​ത​ൽ​ ​വി​ദ്യാ​ഭ്യാ​സ​ ​സൗ​ക​ര്യ​ങ്ങ​ൾ​ ​ഉ​ണ്ടാ​വ​ണ​മെ​ന്നാ​ണ് ​സ​ർ​ക്കാ​ർ​ ​നി​ല​പാ​ട്.​ ​അ​റി​വ് ​പ​രി​വ​ർ​ത്ത​നം​ ​ചെ​യ്യു​ന്ന​തി​നാ​ണ് ​പ്രാ​ധാ​ന്യം​ ​ന​ൽ​കു​ന്ന​ത്.​ ​അ​ത്ത​രം​ ​കോ​ഴ്സു​ക​ൾ​ ​തു​ട​ങ്ങു​ന്ന​തി​ന് ​ഏ​ത് ​ഏ​ജ​ൻ​സി​ ​വ​ന്നാ​ലും​ ​സ്വാ​ഗ​തം​ ​ചെ​യ്യും.​ ​കേ​ര​ള​ത്തെ​ ​ഇ​ന്റ​‍​ർ​നാ​ഷ​ണ​ൽ​ ​നോ​ള​ജ് ​ഹ​ബ്ബാ​ക്കാ​നു​ള്ള​ ​ന​ട​പ​ടി​ക​ളാ​ണ് ​സ്വീ​ക​രി​ക്കു​ന്ന​ത്.

എ​യ്ഡ​ഡ് ​കോ​ളേ​ജു​ക​ളി​ൽ​ ​സ്വാ​ശ്ര​യ​ ​കോ​ഴ്സു​ക​ൾ​ ​അ​നു​വ​ദി​ക്കേ​ണ്ടെ​ന്നാ​യി​രു​ന്നു​ ​സു​പ്രീം​കോ​ട​തി​യി​ലെ​ ​കേ​സു​മാ​യി​ ​ബ​ന്ധ​പ്പെ​ട്ട് ​സ​ർ​ക്കാ​ർ​ ​സ​ത്യ​വാ​ങ്മൂ​ലം​ ​ന​ൽ​കി​യി​രു​ന്ന​ത്.​ ​പു​തി​യ​ ​സാ​ഹ​ച​ര്യ​ത്തി​ൽ​ ​അ​നു​മ​തി​ ​ന​ൽ​കാ​ൻ​ ​ക​ഴി​യു​മോ​യെ​ന്ന​ ​കാ​ര്യ​ത്തി​ൽ​ ​ന​യ​പ​ര​മാ​യ​ ​പു​നഃ​പ​രി​ശോ​ധ​ന​ ​ന​ട​ത്തു​മെ​ന്നും​ ​പി.​കെ.​ബ​ഷീ​ർ,​ ​തോ​മ​സ് ​കെ.​തോ​മ​സ് ​എ​ന്നി​വ​ർ​ക്ക് ​മ​ന്ത്രി​ ​മ​റു​പ​ടി​ ​ന​ൽ​കി.​ ​നാ​ലു​വ​ർ​ഷ​ത്തി​നി​ടെ​ 6000​ ​കോ​ടി​ ​രൂ​പ​യാ​ണ് ​ഉ​ന്ന​ത​ ​വി​ദ്യാ​ഭ്യാ​സ​ ​മേ​ഖ​ല​യി​ൽ​ ​സ​ർ​ക്കാ​ർ​ ​ചെ​ല​വി​ട്ട​തെ​ന്നും​ ​മ​ന്ത്രി​ ​കൂ​ട്ടി​ച്ചേ​ർ​ത്തു.