ലഹരി വിരുദ്ധ ബൈക്ക് റാലി

കൊടക്കാട്: അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി കൊടക്കാട് നാരായണ സ്മാരക ഗ്രന്ഥാലയത്തിന്റെയും സ്പോർട്സ് ക്ലബ്ബിന്റെയും ആഭിമുഖ്യത്തിൽ ലഹരി വിരുദ്ധ സന്ദേശ ബൈക്ക് റാലി സംഘടിപ്പിച്ചു. ലഹരിക്ക് അടിമകളായവരെ മോചിപ്പിക്കാം, ലഹരി വർജ്ജിക്കൂ- ആരോഗ്യം സംരക്ഷിക്കൂ, ഒരുമിക്കാം ലഹരിമുക്ത സമൂഹത്തിനായി തുടങ്ങിയ സന്ദേശവുമായാണ് റാലി നടത്തിയത്. ഗ്രന്ഥാലയ പരിസരത്ത് നിന്നും ബ്ലോക്ക് പഞ്ചായത്ത് വൈസ് പ്രസിഡന്റ് പി.കെ.ലക്ഷ്മി ഫ്ലാഗ് ഓഫ് ചെയ്തു. സെക്രട്ടറി കെ.ടി.വി നാരായണൻ സ്വാഗതം പറഞ്ഞു. ഗ്രന്ഥാലയം അക്ഷര സേന പ്രവർത്തകരായ ജിതിൻ ജനാർദ്ദനൻ, ഇ.പി.വി.ഗോകുൽ, അനുരാഗ് എന്നിവർ സംസാരിച്ചു. അമൽദേവ്, ആകാശ്, ശ്രീരാജ് എന്നിവർ നേതൃത്വം നൽകി.