ചെന്നെെ: അന്താരാഷ്ട്ര ട്വന്റി -20യിൽ നിന്ന് ടീം ഇന്ത്യയുടെ സ്റ്റാര്‍ ഓൾറൗണ്ടർ രവീന്ദ്ര ജഡേജ വിരമിച്ചു. ബാര്‍ബഡോസില്‍ ട്വന്റി - 20 ​ഫൈ​ന​ലി​ലെ​ ​ഇ​ന്ത്യ​യു​ടെ​ ​വി​ജ​യ​ത്തി​ന് പി​ന്നാ​ലെ​യാ​ണ് 35കാരനായ ജഡേജ വി​ര​മി​ക്ക​ൽ​ ​പ്ര​ഖ്യാ​പി​ച്ച​ത്.​ ലോകകപ്പുമായി നില്‍ക്കുന്ന ചിത്രം പങ്കുവച്ചു കൊണ്ട് തന്റെ ഇൻസ്റ്റാഗ്രാം പേജിലൂടെയാണ് അദ്ദേഹം ഇക്കാര്യം അറിയിച്ചത്. മത്സര വിജയത്തിന് പിന്നാലെ ക്യാപ്റ്റൻ രോഹിത്ത് ശർമ്മയ്ക്കും വിരാട് കൊഹ്ലിക്കും ട്വന്റി -20യിൽ നിന്ന് വിരമിക്കൽ പ്രഖ്യാപിച്ചിരുന്നു. ട്വന്റി - 20യിൽ ഓൾറൗണ്ടർമാരുടെ റാങ്കിംഗിൽ മുന്നിലെത്തിയിട്ടുള്ള താരം 74 മത്സരങ്ങളിൽ നിന്ന് 515 റൺസ് നേടിയിട്ടുണ്ട്. 29.85 ശരാശരിയിൽ 54 വിക്കറ്റുകൾ നേടിയിട്ടുണ്ട്. നിലവിൽ ടെസ്റ്റ് റാങ്കിംഗിൽ ഒന്നാമതാണ് രവീന്ദ്ര ജഡേജ.

'ഹൃദയം നിറഞ്ഞ നന്ദി. അന്താരാഷ്ട്ര ട്വന്റി -20യിൽ നിന്ന് ഞാൻ വിരമിച്ചു. ഞാൻ എപ്പോഴും എന്റെ രാജ്യത്തിന് വേണ്ടി ഏറ്റവും മികച്ച പ്രകടനം നൽകിയിട്ടുണ്ട്. ടി20 ലോകകപ്പ് വിജയിക്കുകയെന്നത് ഒരു സ്വപ്ന സാക്ഷാത്കാരമായിരുന്നു. നല്ല ഓർമ്മകൾക്കും പിന്തുണയ്ക്കും നന്ദി', ജഡേജ കുറിച്ചു.

View this post on Instagram

A post shared by Ravindrasinh jadeja (@royalnavghan)