വെൽറ്റിൻസ് - അരീന: യൂറോ കപ്പിൽ ഇന്നലെ എക്സ്ട്രാ ടൈമോളം നീണ്ട പ്രീക്വാർട്ടർ പോരാട്ടത്തിൽ സ്ലൊവേനിയയെ 2-1ന് വീഴത്തി ഇംഗ്ലണ്ട് ക്വാർട്ടറിൽ എത്തി. ഒരു ഗോളിന് പിന്നിൽ നിന്ന ശേഷം രണ്ടാം പകുതിയുടെ അധിക സമയത്ത് ജൂഡ് ബെല്ലിംഗ്ഹാം ഓവർഹെഡ് കിക്കിലൂടെ നേടിയ ഗോളിലൂടെ സമനില പിടിച്ച ഇംഗ്ലണ്ട് മത്സരം എക്സ്ട്രാ ടൈമിലേക്ക് നീട്ടി. എക്സ്ട്രാ ടൈമിൽ ആദ്യ പകുതിയുടെ തുടക്കത്തിൽ തന്നെ (92-ാം മിനിട്ട്) ഹാരി കേൻ ഇംഗ്ലണ്ടിന്റഎ വിജയമുറപ്പിച്ച ഗോൾ നേടുകയായിരുന്നു. 25-ാം മിനിട്ടിൽ ഇവാൻ സ്കഹ്റൻസ് നേടിയ ഗോളിലൂടെ തൊണ്ണൂറ് മിനിട്ടും ലീഡിൽ നിന്ന ശേഷമാണ് സ്ലോവേനിയ കളികൈവിട്ടത്. ക്വാർട്ടറിൽ കഴിഞ്ഞ ദിവസം പ്രീക്വാർട്ടറിൽ നിലവിലെ ചാമ്പ്യന്മാരായ ഇറ്റലിയെ തോൽപ്പിച്ച സ്വിറ്റ്സർലൻഡാണ് ഇംഗ്ലണ്ടിന്റെ എതിരാളി. ഡെൻമാർക്കിനെ 2-0ത്തിന് തോൽപ്പിച്ച് ആതിഥേയരായ ജർമ്മനിയും ക്വാർട്ടറിൽ എത്തിയിട്ടുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |