'പ്രയുക്തി 2024'   തൊഴിൽമേള

കൊല്ലം: ജില്ലാ എംപ്ലോയ്മെന്റ് എക്‌സ്ചേഞ്ചിന്റെയും യൂനുസ് കോളേജ് ഒഫ് എൻജിനിയറിംഗ് ആൻഡ് ടെക്നോളജിയുടെയും സംയുക്താഭിമുഖ്യത്തിൽ യൂനുസ് കോളേജ് ഒഫ് എൻജിനിയറിംഗ് ആൻഡ് ടെക്നോളജി പള്ളിമുക്കിൽ 'പ്രയുക്തി 2024' മിനി തൊഴിൽ മേള സംഘടിപ്പിക്കുന്നു. 10ന് രാവിലെ 10ന് എം.നൗഷാദ് എം.എൽ.എ ഉദ്ഘാടനം ചെയ്യും. 20 ൽ പരം സ്വകാര്യ സ്ഥാപനങ്ങളിൽ 1500ൽ പരം ഒഴിവുകളാണുള്ളത്. എസ്.എസ്.എൽ.സി, പ്ലസ് ടു, ഡിഗ്രി. എൻജിനിയറിംഗ് ഡിപ്ലോമ ഐ.ടി.ഐ അല്ലെങ്കിൽ അതിൽ കൂടുതലോ യോഗ്യതയുള്ള 18 മുതൽ 40 വയസുവരെ പ്രായമുള്ളവർക്ക് അപേക്ഷിക്കാം.

എംപ്ലോയബിലിറ്റി സെന്ററർ, കൊല്ലം എന്ന ഫേസ്ബുക്ക് പേജിൽ നൽകിയിട്ടുള്ള എൻ.സി.എസ് പോർട്ടൽ ക്യുആർ കോഡ് മുഖേന ഒമ്പതിനകം രജിസ്ട്രേഷൻ പൂർത്തിയാക്കണം. എൻ.സി.എസ് ഐ.ഡിയും അഞ്ച് ബയോഡേറ്റയും സഹിതം മേളയിൽ പങ്കെടുക്കണം. സ്പോട്ട് രജിസ്ട്രേഷനുമുണ്ട്. ഫോൺ: 04742746789.