ഹ്യുണ്ടായ് അൽകാസർ ബുക്കിംഗ് തുടങ്ങി

കൊച്ചി: ഹ്യുണ്ടായ് മോട്ടോർ ഇന്ത്യയുടെ നവീകരിച്ച അൽകാസർ മോഡലിന്റെ ബുക്കിംഗ് ആരംഭിച്ചു. ആറ്, ഏഴ് സീറ്റുകളുള്ള പ്രീമിയം സ്പോർട്ട്സ് യൂട്ടിലിറ്റി വാഹനമായ(എസ്.യു.വി) അൽകാസർ ഇന്ത്യൻ ഉപഭോക്താക്കളുടെ ആഗ്രഹങ്ങളും അഭിരുചികളും സ്‌റ്റൈലും പൂർണമായും മനസിലാക്കിയാണ് വിപണിയിൽ അവതരിപ്പിച്ചിട്ടുള്ളത്. ഹ്യുണ്ടായ് ഡീലർഷിപ്പുകളിൽ 25,000 രൂപ മുടക്കി ഉപഭോക്താക്കൾക്ക് അൽകാസർ ബുക്ക് ചെയ്യാം. ബോൾഡ് ന്യൂ അൽകാസർ ഉപഭോക്താക്കൾക്ക് എസ്.യു.വി അനുഭവം പൂർണമായി ആസ്വദിക്കാൻ കഴിയുന്ന വിധത്തിലാണ് ഒരുക്കിയിട്ടുള്ളതെന്ന് ഹ്യുണ്ടായ് മോട്ടോർ ഇന്ത്യയുടെ ചീഫ് ഓപ്പറേറ്റിംഗ് ഓഫീസർ തരുൺ ഗാർഗ് പറഞ്ഞു. സെപ്തംബർ ഒൻപതിന് പുതിയ വാഹനത്തിന്റെ വില കമ്പനി പ്രഖ്യാപിക്കും.