അക്വാറ്റിക്‌സ് ക്ലബിൽ 'വേവ്‌സ്' ഹാൾ തുറന്നു

തൃശൂർ: നീന്തൽ അടക്കം വിവിധ സ്‌പോർട്‌സ്, ഫിറ്റ്നെസ് മേഖലകളിൽ പരിശീലനം നൽകുന്ന അക്വാറ്റിക്‌സ് ക്ലബിൽ 'വേവ്‌സ്' പാർട്ടി ഹാൾ കളക്ടർ അർജുൻ പാണ്ഡ്യൻ ഉദ്ഘാടനം ചെയ്തു. വയനാട്ടിലെ ദുരിതാശ്വാസ പ്രവർത്തനങ്ങൾക്കുള്ള അക്വാറ്റിക്‌സ് ക്ലബിന്റെ ധനസഹായം ക്ലബ് പ്രസിഡന്റ് ജോസ് പുതുക്കാടൻ കളക്ടർക്കു കൈമാറി. സെക്രട്ടറി ജോഫി ജോസഫ്, ട്രഷറർ മൈക്കൾ ആഞ്ജലോ, വൈസ് പ്രസിഡന്റ് ജോൺ ആലുക്ക, ജോയിന്റ് സെക്രട്ടറി ഷിജു ലൂയിസ് എന്നിവർ പ്രസംഗിച്ചു. നേരത്തെ, ചെങ്ങാലൂർ എ.എൽ.പി സ്‌കൂളിലെ വിദ്യാർത്ഥികൾക്കു ക്ലബിന്റെ നേതൃത്വത്തിൽ സൗജന്യമായി പഠനോപകരണങ്ങൾ വിതരണം ചെയ്തിരുന്നു.