സ്കൂളിന് പുതിയ കെട്ടിട സമുച്ചയം

കോട്ടയം: കുര്യനാട് പാവയ്ക്കൽ ഗവ. എൽ.പി സ്‌കൂൾ പുതിയ കെട്ടിട സമുച്ചയം മോൻസ് ജോസഫ് എം.എൽ.എ ഉദ്ഘാടനം ചെയ്തു. മരങ്ങാട്ടുപള്ളി ഗ്രാമപഞ്ചായത്ത് പ്രസിഡന്റ് ബെൽജി ഇമ്മാനുവൽ അദ്ധ്യക്ഷത വഹിച്ചു. സെന്റ് ആൻസ് ഇൻസ്റ്റിറ്റ്യൂഷൻസ് മാനേജർ ഫാ.സ്റ്റാൻലി ചെല്ലിയിൽ അനുഗ്രഹ പ്രഭാഷണം നടത്തി. ഉഴവൂർ ബ്ലോക്ക് പഞ്ചായത്ത് പ്രസിഡന്റ് പി.സി കുര്യൻ, പി.എം മാത്യു, വിദ്യാഭ്യാസ വകുപ്പ് ഡെപ്യൂട്ടി ഡയറക്ടർ സുബിൻ പോൾ, ഇ.ജെ ആഗസ്തി, ഡോ.സിന്ധു മോൾ ജേക്കബ്, ഉഷ രാജു, സാബു തെങ്ങുംപള്ളി, മുൻ അദ്ധ്യാപകർ, ഹെഡ്മിസ്ട്രസ് റീന പോൾ, പി.ടി.എ പ്രസിഡന്റ് കെ.എസ് ഉണ്ണികൃഷ്ണൻ തുടങ്ങിയവർ പങ്കെടുത്തു.