മലാപ്പറമ്പ് പെൺവാണിഭ കേസ്: രണ്ടു പൊലീസുകാരെ സസ്പെൻഡ് ചെയ്തു

കോഴിക്കോട്: മലാപ്പറമ്പ് പെൺവാണിഭക്കേസിൽ രണ്ടു പൊലീസുകാരെ സസ്പെൻഡ് ചെയ്തു. പൊലീസ് ഡ്രൈവർമാരായ ഷൈനിത്ത്, കെ. സനിത്ത് എന്നിവരാണ് കുടുങ്ങിയത്. കോഴിക്കോട് വിജിലൻസ് വിഭാഗത്തിലെയും സിറ്റി കൺട്രോൾ റൂമിലെയും ഡ്രെെവർമാരാണിവർ. കഴിഞ്ഞ ദിവസം പൊലീസ് റെയ്ഡ് നടത്തിയ, അപ്പാർട്ട്‌മെന്റ് വാടകയ്ക്കെടുത്ത നിമീഷിനെയും കേസിൽ പ്രതിചേർത്തിട്ടുണ്ട്.

രണ്ടു പൊലീസ് ഉദ്യോഗസ്ഥരും ഇവിടത്തെ സ്ഥിരം സന്ദർശകരാണെന്നും കേന്ദ്രത്തിന്റെ നടത്തിപ്പിൽ ഇവർക്ക് പങ്കുണ്ടെന്നുമാണ് കണ്ടെത്തൽ. ഇരുവർക്കുമെതിരെ സിറ്റി പൊലീസ് കമ്മിഷണർ പൊലീസ് ആസ്ഥാനത്തേക്ക് റിപ്പോർട്ടയച്ചിരുന്നു. 12 പേരെ ഇതുവരെ പ്രതി ചേർത്തു. കഴിഞ്ഞ വെള്ളിയാഴ്ച മലാപ്പറമ്പിലെ അപ്പാർട്ട്‌മെന്റിൽ നടത്തിയ റെയ്ഡിലാണ് പെൺവാണിഭ സംഘം നടക്കാവ് പൊലീസിന്റെ പിടിയിലായത്.