നിലമ്പൂർ: ഇന്ന് വിധിയെഴുത്ത്

മലപ്പുറം: നിലമ്പൂരിൽ ഇന്ന് വോട്ടെടുപ്പ്. രാവിലെ ഏഴു മുതൽ വൈകിട്ട് ആറുവരെ. 23നാണ് വോട്ടെണ്ണൽ. പ്രമുഖ സ്ഥാനാർത്ഥികളടക്കം പത്തുപേരാണ് ഉപതിരഞ്ഞെടുപ്പിൽ മത്സരിക്കുന്നത്. 2,​32,​384 വോട്ടർമാർ. 263 പോളിംഗ് സ്റ്റേഷനുകൾ. 1,​301 പോളിംഗ് ഉദ്യോഗസ്ഥർ. സുരക്ഷയ്ക്ക് 1,​200 പൊലീസ് ഉദ്യോഗസ്ഥരും കേന്ദ്രസേനയും. ആദിവാസി മേഖലകൾ മാത്രം ഉൾപ്പെടുന്ന മൂന്ന് ബൂത്തുകൾ വനത്തിനുള്ളിൽ സജ്ജീകരിച്ചിട്ടുണ്ട്. മുമ്പ് മാവോയിസ്റ്റ് സാന്നിദ്ധ്യം ശ്രദ്ധയിൽപ്പെട്ടിരുന്ന സ്ഥലങ്ങളിൽ കേന്ദ്രസേനയുടെ പ്രത്യേക സുരക്ഷ.