ഉപഭോക്തൃ ബോധവൽക്കരണ ക്ലാസ് ഇന്ന്

പത്തനംതിട്ട : ഉപഭോക്താക്കളെ ചൂഷണം ചെയ്യുന്നത് തടയുന്നതിനും ഉപഭോക്തൃ സംരക്ഷണ നിയമത്തെ കുറിച്ചുള്ള അവബോധം പൊതുജനങ്ങൾക്ക് നൽകുന്നതിനും ഇന്ന് രാവിലെ 11ന് കളക്ടറേറ്റ് കോൺഫറൻസ് ഹാളിൽ ബോധവൽക്കരണ ക്ലാസ് നടത്തുന്നു. ജില്ലാ കളക്ടർ എസ്. പ്രേം കൃഷ്ണൻ അദ്ധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് ജോർജ് എബ്രഹാം, ഉപഭോക്തൃ തർക്ക പരിഹാര കമ്മീഷൻ അംഗം അഡ്വ.നിഷാദ് തങ്കപ്പൻ എന്നിവർ പങ്കെടുക്കും. അഡ്വ.ആർ.ഗോപീകൃഷ്ണൻ, കോൺഫെഡറേഷൻ ഓഫ് കൺസ്യൂമർ വിജിലൻസ് സ്റ്റേറ്റ് കോ ഓർഡിനേറ്റർ ഗിരിജ മോഹൻ എന്നിവർ ക്ലാസുകൾ നയിക്കും.