ജാക്ക് ഹാമർ മെഷീനുകൾ മോഷ്ടിച്ച പ്രതികൾ പിടിയിൽ

ആറ്റിങ്ങൽ: ജാക്ക്‌ഹാമർ മെഷീനുകൾ മോഷ്ടിച്ച 2 പേർ ആറ്റിങ്ങൽ പൊലീസിന്റെ പിടിയിൽ. അവനവഞ്ചേരി പോളീടെക്നിക്കിന് സമീപം മെട്രോ നഗറിൽ കോണത്ത്‌വീട്ടിൽ മുഹമ്മദ് യൂസഫ് (23), കല്ലറ തണ്ണിയം ദേശത്ത് പനച്ചമൂട് കിഴക്കുകര പുത്തൻ വീട്ടിൽ അഭിഷേക് ( 21,​ഉണ്ണികുട്ടൻ)എന്നിവരാണ് അറസ്റ്റിലായത്. കൊല്ലമ്പുഴ തോട്ടവാരം ഷീജഭവനിൽ സൂക്ഷിച്ചിരുന്ന 3 ജാക്ക്‌ഹാമർ മെഷീനുകൾ വീട് കുത്തിത്തുറന്ന് മോഷ്ടിക്കുകയായിരുന്നു. ഇതിന് ഒന്നേകാൽ ലക്ഷത്തോളം രൂപ വിലയുണ്ട്. മെഷീനുകൾ വെഞ്ഞാറമൂടുള്ള ആക്രിക്കടയിൽ വിറ്റെന്ന് പ്രതികൾ മൊഴിനൽകി. നിരവധി മോഷണക്കേസുകളിൽ പ്രതികളായ ഇരുവരെയും ആറ്റിങ്ങൽ എസ്.എച്ച്.ഒ അജയൻ.ജെയുടെ നേതൃത്വത്തിൽ എസ്.ഐമാരായ ജിഷ്ണു,ബിജു ഹക്ക്,എ.എസ്.ഐമാരായ ശരത് കുമാർ,ശ്യാംലാൽ,ജിഹാനിൽ ഹക്കിം എസ്.സി.പി.ഒമാരായ ഷാജി,മഹേഷ്,സി.പി.ഒമാരായ സയ്യദ് അലി ഖാൻ,വിഷ്ണുലാൽ എന്നിവരടങ്ങിയ സംഘമാണ് പ്രതികളെ പിടികൂടിയത്. പ്രതികളെ റിമാൻഡുചെയ്തു.