ഹിരോഷിമാ ദിനാചരണം

തിരുവനന്തപുരം: സർക്കാർ തലത്തിൽ ഹിരോഷിമാ - നാഗസാക്കി ദിനാചരണം സംഘടിപ്പിക്കണമെന്ന് മുൻമന്ത്രി സി.ദിവാകരൻ ആവശ്യപ്പെട്ടു.അഖിലേന്ത്യ സമാധാന ഐക്യദാർഢ്യ സമിതി ജില്ലാ കൗൺസിലും യൂണിവേഴ്സിറ്റി കോളേജ് എൻ.എസ്.എസ് യൂണിറ്റും സംയുക്തമായി ഹിരോഷിമാ ദിനാചരണ-പലസ്തീൻ ഐക്യദാർഢ്യ സമ്മേളനത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം.സമ്മേളനം ഐപ്സോ സംസ്ഥാന പ്രസീഡിയം അംഗം സി.പി.നാരായണൻ ഉദ്ഘാടനം ചെയ്തു.ജില്ലാ പ്രസിഡന്റ് ആറ്റിങ്ങൽ സുഗുണൻ അദ്ധ്യക്ഷത വഹിച്ചു.സെക്രട്ടറി അഡ്വ.എം.എ.ഫ്രാൻസിസ് യുദ്ധവിരുദ്ധ പ്രതിജ്ഞ ചൊല്ലി.അദ്ധ്യാപകരായ ഡോ.എ.ബാലകൃഷ്ണൻ,എൻ.എസ്.എസ് പ്രോഗ്രാം ഓഫീസർ ഡോ.ഷീബ,അഡ്വ.കെ.സി.വസന്തകുമാർ എന്നിവർ പങ്കെടുത്തു.