പുതൂർകടവ് വയോജന പാർക്ക്  ഉദ്ഘാടനം

കുന്ദമംഗലം: കുന്ദമംഗലം ബ്ലോക്ക് പഞ്ചായത്ത്‌ നിർമ്മിച്ച പുതൂർകടവ് വയോജന പാർക്ക് ബ്ലോക്ക് പഞ്ചായത്ത്‌ പ്രസിഡന്റ് അരിയിൽ അലവി ഉദ്ഘാടനം ചെയ്തു. ബ്ലോക്ക് പഞ്ചായത്ത്‌ മെമ്പർ ബാബു നെല്ലുളി അദ്ധ്യക്ഷത വഹിച്ചു. പ്രായാധിക്യത്താൽ വീട്ടിൽ ഒറ്റപ്പെട്ടവരുടെ മാനസികാരോഗ്യം ഉറപ്പുവരുത്തുക എന്ന ലക്ഷ്യത്തോടെയാണ് പദ്ധതി തയ്യാറാക്കിയത്. കുന്ദമംഗലം ബ്ലോക്ക് പഞ്ചായത്തിന്റെ പ്ലാൻ ഫണ്ടിൽ നിന്ന് 5 ലക്ഷം രൂപ ചെലവഴിച്ചാണ് കാരന്തൂർ പൂനൂർ പുഴയുടെ തീരത്ത് പാർക്ക് നിർമ്മിച്ചത്. വയോജന പാർക്കിൽ പ്രഭാത സവാരിയ്ക്കും വൈകീട്ട് വയോജനങ്ങൾക്ക് ഒത്തുചേരാനും മാനസികോല്ലാസത്തിനുമുള്ള സൗകര്യം ഒരുക്കിയിട്ടുണ്ട്. ജില്ലാ പഞ്ചായത്ത് മെമ്പർ എം ധനീഷ് ലാൽ, വാർഡ് മെമ്പർ ഷൈജ വളപ്പിൽ, എം. ഗിരീഷ്, സി.പി രമേശൻ, ദാസൻ പുത്തലത്ത്, രാധാകൃഷ്ണൻ, സദാനന്ദൻ, പ്രശാന്ത്, അനൂബ്, ഹനീഫ തെക്കയിൽ എന്നിവർ പ്രസംഗിച്ചു.